NÚMEROS 32:7 - Dios Rimashcata Quillcashcami

⁷ ¿Imamantatac Mandac Dios cusha nishca llactaman israelcuna ama yaicuchun, mana vali yuyaita cushpa, jarcasha ninguichic?

NÚMEROS 32:7 Iomraidhean Croise

NÚMEROS 13:27

paicunaca: «Can ricumuchun cachashca llactataca ricumunchicmi. Chai llactapica lechepish, mishquipish yacu shina callpacucmi cashca. Riqui, cai granocunatami chaimanta apamunchic.

NÚMEROS 13:31

Shina nicpipish, paihuan riccunaca: —¡Ñucanchicca chai gentecunataca mana ati pudishunchu! ¡Paicunaca ñucanchicta yalli sinchicunami!— nirca.

NÚMEROS 13:4

Ricungapac riccunaca: Rubenpac aillumantaca Zacurpac churi Samuami rirca.

NÚMEROS 21:4

Chai quipaca israelcunaca Hor urcumanta llucshishpami, Edom llactata muyungapac Puca Cuchaman rina ñanta rirca. Chashna yallita purishpa, ña mana ashtahuan risha nishpami,

NÚMEROS 32:6

Shina nicpimi, paicunataca: —¿Cancunapac huauqui israelcuna macanacuiman ricpipish, cancunaca caillapichu saquirishun ninguichic?

NÚMEROS 32:9

Paicunaca Escol yacuman chayashpami chai llacta imalaya cashcata ricurca. Paicuna cutimushpaca, Mandac Dios cushca llactaman israelcuna ama yaicuchunmi mana alli yuyaita cushpa jarcarca.

HECHOS 21:13

Chashna jarcacpipish Pabloca: —¿Ima nishpatac chashna huacashpa, ñucata llaquichinguichic? Jerusalenpi huatashun nicucpipish, chaiman rishallami. Chaipi huañuchishun nicpipish, Apunchic Jesusmantaca huañushallami— nirca.

DEUTERONOMIO 1:28

¿Maimantac rishun? Ñucanchic huauquicunaca: ‘Chai llactapica ñucanchicta atishpa ashtahuan achca, ashtahuan jatun gentecunami tiyan. Llactacunapish muyundita alto jarcashca, shinallatac Anac runapac huahua huahuacunatami chaipica ricumunchic nishpami manchachirca’ ninmi” nircanguichic.