NÚMEROS 3:7 - Dios Rimashcata Quillcashcami

⁷ Ñucahuan tupana huasipi Aarón mandashcata, israelcuna ruhuana cashcata ruhuachun churai.

NÚMEROS 3:7 Iomraidhean Croise

1 CRÓNICAS 26:20

Caishuc levitacunamantaca Ahiasmi Diospac huasipi tiyac ima valishcacunatapish, Diospaclla chicanyachishcacunatapish cuidacurca.

1 CRÓNICAS 26:22

Jehielpac churi Zetam, shinallatac Joelca Mandac Diospac huasipi valishcacunata cuidacmi carca.

1 CRÓNICAS 26:26

Diospac huasipi tiyashca valishcacunataca Selomitmi paipac familiacunahuan cuidacurca. Chaicunataca jatun mandac Davidpish, ñaupa taitacunapac huasi ucupuracunata mandaccunapish, huaranga soldadocunata mandaccunapish, patsac soldadota mandaccunapish, tucui soldadocunata mandaccunapish Diospaclla cachun chicanyachishcami carca.

LEVÍTICO 8:35

Dios-huan tupana huasi pungumantaca canchis punzhacaman ama anchuringuichicchu. Tutapish, punzhapish chaipi canguichic. Cancuna mana huañungapacca, cai mandashcacunatami pactachina canguichic. Mandac Diosca chashnami ñucataca mandarca» nirca.

NÚMEROS 1:50

Chaipac randica mandashcacunata huacaichishca ñucahuan tupana ucutapish, tucui chaipi tiyaccunatapish ricuchun churangui. Paicunami ñucahuan tupana huasitapish, chaipi imalla tiyaccunandi apanga. Chashnami carpa huasipi servishpa, chai muyundipi causanga.

NÚMEROS 1:53

Shina cacpipish, levitacunaca mandashcacunata huacaichishca ñucahuan tupana huasi muyundipimi causanga. Ñucahuan tupana huasita levitacuna cuidacucpimi, israelcunahuanca ñucaca mana piñarisha» nirca.

NÚMEROS 3:32

Levitacunata punta mandacca Aarón curapac churi Eleazarmi carca. Paimi Dios-huan tupana huasita cuidaccunacata mandacurca.

NÚMEROS 3:8

Ñucahuan tupana huasipi imalla tiyaccunatapish, israelcunaman mingashcatapish paicunami cuidanga. Ñucahuan tupana huasipipish paicunami servinga.

NÚMEROS 31:30

Tandanacushca israelcunaman chaupishpa cushca gentecunatapish, huagracunatapish, burrocunatapish, ovejacunatapish, cada pichca chungamanta shucta japishpa, ñucahuan tupana huasita cuidac levitacunaman cunguichic» nirca.

NÚMEROS 8:11

Aaronca levitacunataca israelcunapac ofrendata shina ñucaman cunga. Chashna cucpimi, paicunaca Mandac Dios ñucata servinga.

NÚMEROS 8:15

Chashnami levitacunaca ñucahuan tupana huasipi servi callaringa. Paicunaca mapa illacta ruhuashpa, ñucaman cushca ofrenda shinami canga.