NÚMEROS 28:6 - Dios Rimashcata Quillcashcami

⁶ Chaitami Mandac Dios ñucaman mishquilla ashnachun punzhanta tucui rupachichun shitashca pambapi tiyac Sinaí urcupi mandashca carca.

NÚMEROS 28:6 Iomraidhean Croise

2 CRÓNICAS 2:4

Riqui, ñucaca, ñucata Mandac Diosmanmi shuc huasita shayachinata yuyarircani. Chai huasipimi mishquilla inciensota paipac ñaupapi rupachisha nini. Paipaclla chicanyachishca tandatapish, punzhanta tutamantapish, chishipish Diosman cushpa rupachingapac, samana punzhacunapi, llullu quilla punzhacunapi Diosman cushpa huañuchingapac, shinallatac ñucanchicta Mandac Diosta yuyarishpa shuc jatun fiestata ruhuangapacmi shayachisha nini. Caicunatami israelcunapac huahua huahuacunaca huiñaita ruhuacungalla.

2 CRÓNICAS 31:3

Tutamantapish, chishipish Diosman cushpa rupachichunca, jatun mandacllatacmi paipac quiquin haciendamanta animalcunata curca. Shinallatac samana punzhapi, llullu quillapi, fiesta punzhapi, Mandac Dios mandashpa quillcashcapi nishca shinallatac Diosman cushpa rupachichunmi curca.

ESDRAS 3:4

Mandashpa quillcashcapi nishca shinallatacmi chucllacunata ruhuashpa, jatun fiestata ruhuarcacuna. Ima shina mandashca shinallatacmi animalcunata cada punzhapi mashnata cuna cashca shinallatac punzhanta Diosman cushpa tucui rupachirca. Ima ruhuana cacpipish, chai punzhallatacmi ruhuarcacuna.

SALMOS 50:8

Animalta cushcamantapish, ñuca ñaupapi animalcunata cushpa tucui rupachishcamantapish, mana imata ninichu.

ÉXODO 24:18

Moisés puyu ucuman yacushpa, urcu jahuaman huichai rishpaca, chuscu chunga punzhata shinallatac chuscu chunga tutatami chaipi carca.

ÉXODO 31:18

Sinaí urcupi Mandac Dios Moises-huan parlanacushpaca, chunga mandashcacunatami paipac maqui dedohuan ishcai tabla rumipi quillcashpa, Moisesman curca.

EZEQUIEL 46:14

Chai maltón ovejahuanca shuc efa harinata suctapi chaupishcahuan cungui. Alli harinahuan chapungapacca shuc litro aceiteta cungui. Caicunaca Mandac Diosman huiñaita cuchun mandashcami.

EZEQUIEL 46:15

Cada tutamanta maltón ovejatapish, shuc efa harinatapish, aceitetapish ñucaman cushpa tucui rupachingui.

LEVÍTICO 27:34

Diosca tucui cai mandashcacunatami israelcunaman yachachichun, Sinaí urcupi Moisesman huillarca.

LEVÍTICO 6:9

«Aaronmanpish, paipac churicunamanpish ima shina tucui rupachinata huillai. Tucuita rupachina animalca pacaringacamanmi tucui tuta altar jahuapi rupana can. Ninapish tucui tutami rupashpa, pacarina can.

AMÓS 5:25

Israelcunalla, cancuna shitashca pambapi chuscu chunga huatata puricushpaca, ¿ñucaman animalta cushpa huañuchircanguichicchu? ¿Ofrendatapish curcanguichicchu?

NÚMEROS 28:5

Grano ofrendataca ishcai kilo harinata olivosta tacashca shuc litro alli aceitehuan chapushpa cuichic” ninguichic.

NÚMEROS 28:7

Shuc huatayuc cada cari ovejahuanca shuc litro vinota cunguichic. Chaitaca ñucapaclla cac ucupi Mandac Dios ñucapac ñaupapi tallinguichic.

FILIPENSES 2:17

Cancuna crishpaca, Diosman cushpa rupachic shinami cushcanguichic. Chaita pactachingapacca, ñuca quiquin causaita chingachina cacpipish chingachishallami. Chashna yuyashpami, tucui cancunahuan cushicuni.