NÚMEROS 28:4 - Dios Rimashcata Quillcashcami

⁴ Chai ovejacunataca shuctaca tutamanta, shuctaca chishi ñucaman cunguichic.

NÚMEROS 28:4 Iomraidhean Croise

1 REYES 18:29

Paicunaca chaupi punzha quipapish chishiyangacamanmi yuyaita chingachishca shina caparishpa catircacuna. Chaicamanca ñami animalta cushpa huañuchina horas tucurca. Chashna caparicucpipish, pi rimashcapish mana uyarircachu. Mañashcata pi cutichicpish mana tiyarcachu.

1 REYES 18:36

Diosman animalta cushpa rupachina horas ña chayacpimi, Dios ima nishcata huillac Elías altarman cuchuyashpaca: «¡Abrahampac, Isaacpac, Israelpac Mandac Dioslla, Israel llactapica canlla Dios cashcata cunan ricuchiyari! ¡Ñucapish canta servic cashcata can mandacpi, tucui caicunata ruhuacushcatapish ricuchiyari!

1 CRÓNICAS 16:40

Israelcunata mandashpa, Mandac Dios quillcashcapi nishca shinallatacmi Mandac Diosman punzhanta animalcunata cushpa, huañuchichun, tucuita rupachina altarpi chishipish, tutamantapish animalcunata Diosman cushpa tucui rupachichun chaipi saquirca.

SALMOS 141:2

Ñuca mañashcaca incienso cushni shina mishquilla cambac ñaupaman chayashca cachun. Cambac ladoman ñuca maquicunata chutashcaca chishi lado ofrendata cushca shina cachun.

ÉXODO 12:6

Chai animaltaca quilla chunga chuscu punzhacamanmi charicuna canguichic. Chai punzha chishipimi, tandanacushca israelcunaca chai animalta huañuchinga.

DANIEL 9:21

Chashna mañacucpimi, utca muscuipi shina ricushca ángel Gabrielca jahuata volashpa ñucapacman shamurca. Chaica animalta Diosman cushpa rupachina horasmi carca.

JOEL 1:13

¡Curacunalla, sharpa churanata churarishpa huacaichicyari! ¡Altarpi serviccunalla, llaquillata huacaichicyari! Mandac Diosta serviccunalla, sharpa churanata churarishpa, sueñungapac shamuichicyari. Mandac Diospac huasimantaca ofrendatapish, tallina vinotapish anchuchishcami.

LEVÍTICO 3:7

Cutin pactalla ovejata cushpaca Mandac Diospac ñaupaman apamushpami,

NÚMEROS 28:3

Shinallatac: “Ñucaman cushpa punzhanta tucui rupachingapacca shuc huatayuc ima mana tucushca ishcai cari ovejata cunguichic.

NÚMEROS 28:5

Grano ofrendataca ishcai kilo harinata olivosta tacashca shuc litro alli aceitehuan chapushpa cuichic” ninguichic.

NÚMEROS 9:3

Mandashca shina, callari quilla chunga chuscu punzha chishita Pascua micunata ruhuashpa, cushicushpa micunguichic. Chaitaca ruhuana punzhallapitacmi ruhuana» nirca.