NÚMEROS 28:28 - Dios Rimashcata Quillcashcami

²⁸ Cada becihuan cungapacca sucta kilo alli harinata aceitehuan chapushpa cunguichic. Cutin cada cari ovejahuan chuscu kilo alli harinata aceitehuan chapushpa cunguichic.

NÚMEROS 28:28 Iomraidhean Croise

2 CRÓNICAS 23:18

Chai quipaca Joiadaca Mandac Diospac huasipimi imata ricuccunata churarca. Paicunataca curacuna, levitacunami mandacurca. Davidca paicunatami Mandac Diospac huasipica Moisés mandashpa, quillcashcapi nishca shinallatac churarca. Paicunataca Mandac Diosman animalcunata cushpa rupachichun, David mandashca shina cushicushpa cantachunmi churarca.

2 CRÓNICAS 31:3

Tutamantapish, chishipish Diosman cushpa rupachichunca, jatun mandacllatacmi paipac quiquin haciendamanta animalcunata curca. Shinallatac samana punzhapi, llullu quillapi, fiesta punzhapi, Mandac Dios mandashpa quillcashcapi nishca shinallatac Diosman cushpa rupachichunmi curca.

ESDRAS 3:2

Chashna tandanacushpami, Josadacpac churi Jesúa curaca caishuc curacunahuan, Salatielpac churi Zorobabelhuan, paipac huauquicunahuan, Diosta servic Moisés quillcashpa mandashca shinallatac animalcunata Diosman cushpa, tucui rupachingapac israelcunapac Diospac altarta ruhuanata callarirca.

JEREMÍAS 48:35

Mandac Diosca: «Moab llactapi causaccunataca tucuchigrinimi. Paicunaca, paicunapac dioscunamanmi lomacunapi animalta cushpa, inciensotapish rupachin» ninmi.

EZEQUIEL 45:17

Chai mandacmi israelcunapac jatun fiestacunapi, llullu quillapi, samana punzhapimi animalta huañuchishpa rupachinga, shinallatac vinota tallinga. Paicunallatacmi juchacunamanta ñucaman cunga, animaltapish rupachinga. Shinallatac ñucahuan alli tucungapacpish paicunallatacmi ofrendata cunga, israelcunapac juchacunata perdonachunpish animalta cunga.

LEVÍTICO 14:10

Pusacniqui punzhapica ima mana tucushca ishcai maltón ovejatapish, shuc huatayuc ima mana tucushca huarmi ovejatapish, sucta kilo chaupi ashtahuan alli harinatapish, aceitehuan masashcata, shuc litromanta quimsapi chaupishca shuc parte aceiteta apamuna can.

NÚMEROS 28:27

Mandac Dios ñucaman mishquilla ashnachunca, ishcai becita, shuc cari ovejata, shuc huatayuc canchis cari ovejata cunguichic.

NÚMEROS 28:29

Shuc huatayuc canchis cari ovejahuan ishcai kilo alli harinata aceitehuan chapushpa cunguichic.