NÚMEROS 28:11 - Dios Rimashcata Quillcashcami

¹¹ Cada quilla callaripi ima mana tucushca ishcai becita, shuc cari ovejata, shuc huatayuc canchis cari ovejata tucui rupachinguichic.

NÚMEROS 28:11 Iomraidhean Croise

2 REYES 4:23

Shina nicpimi, paipac cusaca: —Cunanca, mana llullu quillapish, mana samana punzhapish canchu. ¿Imapactac paita ricungapac rigringui?— nirca. Shina nicpi, chai huarmica: —Chaimanta ama mancharichu— nirca.

1 CRÓNICAS 23:31

Samana punzhacunapi, llullu quilla punzhacunapi, jatun fiesta punzhacunapi Mandac Diosman cushca tucui animalcunata rupachingapacmi ric carca. Chai punzhacunapi mashna animalcunata cuchun mandashca shinallatacmi Mandac Diospac ñaupapi curcacuna.

2 CRÓNICAS 2:3

Chai quipami Salomonca Tiro llactata jatun mandac Hiramman quillcashpaca: «Ñuca taita Davidhuan ruhuashca shinallatac ñucamanpish ruhuaiyari. Shuc huasita paiman ruhuachunca, cedro caspicunatami cacharcangui.

2 CRÓNICAS 2:4

Riqui, ñucaca, ñucata Mandac Diosmanmi shuc huasita shayachinata yuyarircani. Chai huasipimi mishquilla inciensota paipac ñaupapi rupachisha nini. Paipaclla chicanyachishca tandatapish, punzhanta tutamantapish, chishipish Diosman cushpa rupachingapac, samana punzhacunapi, llullu quilla punzhacunapi Diosman cushpa huañuchingapac, shinallatac ñucanchicta Mandac Diosta yuyarishpa shuc jatun fiestata ruhuangapacmi shayachisha nini. Caicunatami israelcunapac huahua huahuacunaca huiñaita ruhuacungalla.

2 CRÓNICAS 8:13

Moisés mandashca shinami imata cuna cashpapish, chai punzha cuchunmi chashna ruhuarca. Samana punzhacunapi, llullu quilla punzhacunapi, jatun fiesta punzhacunapimi huatapi quimsa cutin rupachina carca. Cai fiestacunaca levadura illac tandata micuna punzhacuna, semana fiestacuna, chucllacunata ruhuana fiesta punzhacunami carca.

ESDRAS 3:5

Chai quipaca punzhantami animalta Diosman cushpa Llullu quilla punzhacunapi, Mandac Diosta yuyarina fiesta punzhacunapi Diosman cushpa tucui rupachirca. Quiquin munaihuan animalcunata Diosman cushpapish rupachircami.

NEHEMÍAS 10:33

Diosman cuna tandapac, punzhanta cuna ofrendapac, Diosman animalta cushpa punzhanta rupachingapac, samana punzhacunapi, llullu quilla punzhacunapi, fiesta punzhacunapi cungapac. Shinallatac Diosman chicanyachishpa cungapac animalta israelcunapac juchamanta cushpa huañuchingapac, ñucanchic Diospac huasipi imata ruhuachun cungapacmi ñucanchicllatac ari nircanchic.

SALMOS 40:6

Animalcunata canman cushpa huañuchichunpish, ofrendata cuchunpish mana munanguichu. Juchacunamanta animalcunata cushpa, tucui rupachichunpish mana mañashcanguichu.

SALMOS 40:8

“Ñuca Dioslla, cambac munaita ruhuashpami cushicuni. Can mandashcataca ñuca shungupimi huacaichini” ninmi» nircani.

SALMOS 81:3

Llullu quilla punzhacunapipish, entero quilla punzhacunapipish cornetapi tocaichic. Chai punzhacunaca yallita cushicuna punzhacunami.

SALMOS 81:4

Cai quillcashpa mandashcacunaca israelcuna pactachinami. Jacobopac Dios mandashcacunami.

ISAÍAS 66:23

Quillanta, samana punzhantami tucui mashna ñuca ñaupaman shamushpa, ñucata alli ninga.

EZEQUIEL 46:1

Mandac Diosca: Inti llucshina ladoman cac ñucapac huasi ucu pambaman yaicuna punguca sucta punzhacamanmi huichcashca canga. Ashtahuanpish samana punzhapi, llullu quilla punzhapimi pascashca canga.

EZEQUIEL 46:6

Llullu quilla punzhapica mana ima tucushca becita, sucta maltón ovejata, shuc carnero ovejatami cunga.

EZEQUIEL 46:7

Chai cada becihuan, cada carnero ovejahuanca shuc efa harinatami cunga. Maltón ovejacunahuanca mashnata charishca shinami cunga. Cada efa harinahuanmi shuc hin aceiteta cunga.

OSEAS 2:11

Paimanta cushicuita anchuchishpami, paipac fiesta punzhacunatapish, llullu quilla punzhacunatapish, samana punzhacunatapish tucuchisha.

LEVÍTICO 1:13

Curallatacmi chunzhullitapish, changa aichatapish yacuhuan jahuanga. Chashnami tucuita tandachishpa, altar jahuapi churashpa rupachinga. Chashna tucui rupachicpimi, Mandac Diosmanca mishquilla ashnanga.

LEVÍTICO 1:3

Tucui rupachina beci cacpica, imapish mana tucushca cari becitami Mandac Dios-huan tupana huasi yaicunapi rupachina can. Chaipimi Mandac Diosca chashquinga.

LEVÍTICO 1:9

Chai chunzhullitapish, changa aichatapish yacuhuan jahuashpami, Diosman cushpa tucui rupachina can. Chashna rupachicpimi, Mandac Diosmanca mishquilla ashnanga.

AMÓS 3:5

Volac animalca, ¿manapish tucllata tiyacpica, japi tucungachu? Tucllaca, ¿manapish imata japishpa huichaiman cuyuringachu?

AMÓS 8:5

Cancunaca: «Trigota catungapac, ¿ima horastac quillaca tucuringayari? Shinallatac grano huacaichina ucumanta granota llucchishpa catungapac, ¿ima horastac samana punzha tucuringayari? Catuna punzhacuna chayamucpica, balanzatapish, medinacunatapish huacllichishpa catushpami achca cullquita japishun.

NÚMEROS 10:10

Cushicuna punzhacunapipish, quilla callari punzhacunapipish, imata yuyarina punzhacunapipish ñucahuan alli tucungapac animalcunata huañuchishpa, ofrendata tucui rupachishpaca trompetacunapi tocanguichic. Shina ruhuacpimi, Mandac Dios ñucaca cancunata yuyarisha. Ñucami cancunata Mandac Dios cani» nirca.

NÚMEROS 28:19

Mandac Dios ñucaman ishcai becita, shuc cari ovejata shinallatac shuc huatayuc ima mana tucushca canchis cari ovejata cunguichic.

GÁLATAS 4:10

Cancunaca acllashca punzhacunatapish, quillacunatapish, cushicuna punzhacunatapish, shinallatac huatacunatapish yupashpa huacaichiccunami canguichic.

COLOSENSES 2:16

Chaimanta cancunataca imata micushcamanta, ubiashcamanta, mana cashpaca fiesta punzhacunapi, llullu quilla punzhacunapi, samana punzhacunapi imata ruhuacushcamanta ama pi juchanchichun.

COLOSENSES 2:6

Jesucristo cancunata Mandac cachun chasquishcamantaca, paillahuantacmi causana canguichic.

1 SAMUEL 20:5

Chashna nicpimi Davidca Jonatantaca: —Riqui, cayaca llullu quillami. Ñuca jatun mandac-huanmi micungapac tiyarina cani. Ashtahuanpish canca quimsa punzhacaman pambapi ñuca miticugrichun saquingui.

1 SAMUEL 9:12

Shina tapucpimi, chai solteracunaca: —Ari, utca richiclla, cancunata ñaupashpami ricun. Cunanca gentecuna animalta Diosman cushpa, lomapi huañuchina punzha cacpimi, paica ima ruhuana cashcata ruhuangapac puebloman shamushca, utca richiclla.