NÚMEROS 26:54 - Dios Rimashcata Quillcashcami

⁵⁴ Maijan aillu achca cacpica, achca allpata, cutin ashalla cacpica, asha allpata cungui. Tucuimanmi mashna cashcata ricushpa allpataca cana can.

NÚMEROS 26:54 Iomraidhean Croise

NÚMEROS 26:53

«Cai yupashcacunamanmi paicuna japina cashca shinallatac allpata chaupinacuna cangui.

NÚMEROS 32:3

Paicuna rishpaca: —Atarot, Dibón, Jazer, Nimra, Hesbón, Eleale, Sebam, Nebo, Beón llactacunataca

NÚMEROS 32:5

Chaimanta ñucanchic canta serviccuna cambac ñahuipi alli ricurishca cacpica, cai allpata ñucanchicman cui. Ama Jordán yacuta pasachichu— nirca.

NÚMEROS 33:54

Allpataca cancunapac aillucuna mashna cashca shinallatac suerteta ruhuashpa chaupinguichic. Achca aillucuna cashpaca, achcata allpata japinguichic. Ashalla cashpaca, ashalla allpata japinguichic. Maipimi paicunaman suerte urman chaipimi japina canguichic.

NÚMEROS 35:8

Israelcuna japishca shinallatacmi levitacunapish japina can. Jatun ailluca achcatami japinga, uchilla ailluca ashatami japinga” ningui» nirca.

JOSUÉ 17:14

Chai quipaca Josepac churicunaca Josuetaca: —Ñucanchicca Dios bendiciacpimi, cunancamanca achca canchic. ¿Chashna cashca jahuachu ñucanchicmanca shuc suertellata ruhuashpa, shuc parte allpallata cungui?— nirca.

JOSUÉ 19:9

Simeón ailluca Judá aillupac maijan allpatami japirca. Judá aillupacca yalli achcami carca. Chaimantami Simeonpac ailluca Judá aillupac llacta ucupi allpata japirca.