NÚMEROS 25:6 - Dios Rimashcata Quillcashcami

⁶ Israelpuramanta shuc runaca shuc madianita huarmita pushashpami Moisespish, israelcunapish ricucucpi, paipac huauquicunapacman chayarca. Chai horasca israelcunaca Dios-huan tupana huasi yaicunapimi huacacurca.

NÚMEROS 25:6 Iomraidhean Croise

GÉNESIS 37:28

chai catushpa, randishpa puric madianitacuna chaita pasacucpica, Josetaca jutcumanta llucchishpa, ismaelitacunaman ishcai chunga cullquipi catungapac apamurca. Chashna catucpica, Josetaca Egiptomanmi aparca.

1 REYES 11:18

Paicunaca Madián llactamanta llucshishpaca, Parán shitashca pambamanmi chayarca. Chai pambamantami tauca runacunata apashpa, Egiptoman rirca. Egipto llactata jatun mandac Faraonpacman chayacpimi, jatun mandacca huasicunatapish, micunatapish allpacunatapish paicunaman curca.

SALMOS 94:16

Millaita ruhuaccunahuan shayaringapacca ¿pitac ñucataca ayudangayari? Mana allita ruhuaccunahuan shayaringapacca ¿pitac ñuca parte tucungayari?

ISAÍAS 22:12

Tucuita Mandac Diosca chai punzhapica yallita llaquirichun, yuyarishpa huacachun, acchata pitirichun, sharpa churanata churarichun cayarca.

JEREMÍAS 3:3

Chaimantami punta tamyapish, chagrata pucuchic quipa tamyapish mana tiyarca. Cullquimanta huainayac huarmi shinami, manatac pingarcangui.

JEREMÍAS 36:23

Jehudí ña quimsa mana cashpaca chuscu huachuta rezacucpimi, jatun mandacca chai quillcashcata quichushpa, quillcana plumata pitinahuan lliquishpa, jagan nicuc nina jahuapi shitarca. Chashna shitashpami tucui rupachirca.

JEREMÍAS 8:12

¿Millai juchata ruhuashcamantaca pingancunachu? ¡Paicunaca mana pinganchu! ¡Ima shina pinganatapish mana yachancunachu! Chaimantami ñuca llaquichicpica, paicunaca llaquipi urmaccunahuan pacta llaquipi urmanga. Mandac Dios ñucami chashna nini» nirca.

JOEL 2:17

Mandac Diospacta ruhuac curacunaca pungu yaicuna altar chaupipi shayarishpa: “Mandac Dioslla, can acllashcacuna mana allita ruhuashcataca perdonaiyari. Paicunata burlashpa pingaichichun ama saquinguichu. Shuctac llactacuna mandachunpish ama saquinguichu. Shuctac gentecunaca: ‘¿Maipitac paipac Mandac Diosca?’ ningami” nishpa mañaichicyari.

NÚMEROS 16:47

Shina nicpimi, Aaronca Moisés nishca shinallatac incienso rupachinata japishpa, israelcunapac chaupiman shamurca. Pai chayamucpica, ñami Diosca yallita piñarishpa gentecunata huañuchi callarirca. Aarón inciensota churashpami, israelcunapac juchata pichachun mañarca.

NÚMEROS 22:4

Chaimantami Moabpi causaccunaca Madián llactata pushac yuyaccunata: «¡Cunanca, cai tucui gentecunaca huagracuna quihuata lambishpa micuc shinachari ñucanchictaca tucuchinga!» nirca. Chai punzhacunapica Moabpi causaccunataca Ziporpac churi Balacmi mandacurca.

NÚMEROS 31:2

«Madianitacuna israelcunata ima shinami llaquichirca, chashnallatac paicunatapish llaquichi. Chai quipami huañushpa, cambac taitacunahuan tandanacugringuimi» nirca.

SAN JUDAS 1:13

Paicunapac pinganayaita mana allita ruhuashcacunaca, mama cuchata huaira caiman chaiman shitacpi, puscuta shitashca shinami can. Lucerocuna ñanta chingachishca shinami cancuna. Paicunamanca yallita amsa pachami huiñaicaman huacaichishca tiyacun.

JUECES 2:4

Mandac Diospac ángel chashna nicpica, tucui israelcunami caparishpa huacai callarirca.