NÚMEROS 25:12 - Dios Rimashcata Quillcashcami

¹² Chaimanta paitaca: “Cushi causai tiyachunmi ñucaca paihuan ari ninacuita ruhuani.

NÚMEROS 25:12 Iomraidhean Croise

SALMOS 106:30

Chashna huañui caticpimi, Finees jatarishpa, millaita ruhuac runataca huañuchirca. Chaimantami mana ashtahuan huañurcacuna.

SALMOS 106:31

Pai chashna allita ruhuashcaca huahua huahuacuna yuyaringapacmi saquirirca.

ISAÍAS 54:10

Urcucuna cuyuricpipish, lomacuna chucchucpipish cantaca cuyacushallami. “Canman cushi causaita cushami” nishpa, ari nishcataca pactachishatacmi» ninmi. Chaitaca, canta llaquic Mandac Dios ñucami nini.

EZEQUIEL 34:25

Cushi causai tiyachunmi paicunahuan ari ninacusha. Cai llacta millai animalcunataca anchuchishami. Chaimantami shitashca pambapi imata mana manchashpa causanga. Sachapi cashpapish sumactami sueñunga.

EZEQUIEL 37:26

Huiñaita cushilla causangapacmi paicunahuanca ari ninacusha. Paicunata chaipi causachun churashpaca, achcatami mirachisha. Ñucapaclla huasitapish huiñaipacmi, paicunapac chaupipi shayachisha.

MALAQUÍAS 2:8

Ashtahuanpish cancunaca alli ñanmanta anchurishpami, ñuca mandashcacunata pandata yachachishpa, tauca runacunata mitcachic shina urmachircanguichic. Chashna ruhuashpami, levitacunahuan ari nishcatapish yangapi churarcanguichic.

MALAQUÍAS 3:1

Tucuita Mandac Diosca: «Ñuca huillactami ñaupachishpa cachasha. Paimi purina ñantaca ñaupashpa allichinga. Chai quipaca cancuna mashcacushca Mandacmi cungailla paipaclla huasiman shamunga. Cancuna shuyacushca ari nishcata pactachic angelpish shamungami. ¡Riquichic, ñami shamucun!» ninmi. Chaitaca Mandac Diosmi nin.

NÚMEROS 13:29

Neguevpica amalecitacunami causan. Cutin urcucunapica heteocuna, jebuseocuna, amorreocunami causan. Mama cucha pambacunapi, Jordán yacu muyundi pambacunapica cananeocunami causan» nirca.