NÚMEROS 24:7 - Dios Rimashcata Quillcashcami

⁷ Jicharicuc yacu shinami cangui. Paicunapac miraicunapish achca yacutami charinga. Paicunapac mandacca Agagtapish yallimi canga. Paicuna mandana llactapish jatunyachishcami canga.

NÚMEROS 24:7 Iomraidhean Croise

2 SAMUEL 5:12

Shina ruhuacpimi, Davidca Diosllatac israelcunata cuyashpa, paita jatun mandac cachun churashcata, shinallatac tucui imapipish alli pushacushcata yachac chayarca.

1 REYES 4:21

Salomonca Eufrates yacu lado llactacunamantaca filisteocunapac llacta ladocaman, chaimantaca Egipto linderocamanmi mandarca. Tucui chai llactapi causaccunami Salomón huañungacaman imatapish cuna cashcata cushpa, paita servishpa causarca.

1 REYES 5:1

Tiro pueblota jatun mandac Hiramca Davidhuanca tucui causaipimi, apanacuc carca. Chaimantami Salomonta paipac taita Davidpac randi jatun mandac cachun aceitehuan cahuishcata yachashpaca, paita serviccunata cacharca.

1 CRÓNICAS 14:2

Chaimantami Davidca Mandac Dios pai acllashca israelcunata cuyashpa, israelcunata jatun mandac cachun churashcatapish, chai mandanata jatunyachishcatapish yachac chayarca.

ESDRAS 4:20

Jerusalenpi sinchi jatun mandac tiyashcata, chai mandac jatun yacu chimba ladopi tiyac tucui llactacunata manchachic cashcata tarishca. Chai llactapi causaccunaca tributotapish, impuestotapish, imamanta cuna cashcatapish cushpa causashcatami tarishca.

ESTER 3:1

Chai tucushca quipaca jatun mandac Asueroca Agageopac huahua huahuapuramanta Hamedatapac churi Amantami alli nishpa tucui mandaccunamanta ashtahuan yalli mandanapi churarca.

SALMOS 18:43

Ñuca llacta gentecuna yallita juchanchicpipish, quishpichishpami llactacunata jatun mandacta ruhuarcangui. Ñuca mana ricsishca gentecunapish ñucata servircacunami.

SALMOS 68:26

¡Jatun tandanacuipi Diosta allimari cangui nichicyari! ¡Tandanacushca israelcuna, Mandac Diostaca allimari cangui nichicyari!

SALMOS 72:11

Tucui jatun mandaccunami paipac ñaupapi cunguringa. Tucui shuctac llactacunapi causaccunami paita servinga.

SALMOS 89:27

Ñucapish paitaca punta churi cachunmi churasha. Shinallatac cai pacha jatun mandaccunapac jahuapimi churasha.

ISAÍAS 2:2

Tucuri punzhacunapica Mandac Diospac huasipi tiyac urcuca caishuc urcucunapac uma shina cangapacmi sinchiyachishca canga. Tucui urcucunata yalli jatunmi canga. Chai urcumanmi tucui llactacuna shamunga.

ISAÍAS 30:25

Yallita huañui punzhapi torrecuna urmacpica, tucui urcu patamanta, jatun lomacunamantami jatun yacucunapish, ashalla yacucunapish llucshicunga.

ISAÍAS 48:1

Israel shuti, Jacobopac huahuacuna, caita uyaichic. Cancunaca Judapac huahua huahuacunami canguichic. Mandac Diospac shutipi ari nishpapish, israelcunapac Diosta mañashpapish mana ciertota yuyaringuichicchu. Ashtahuanpish jahua shungullami canguichic.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

JEREMÍAS 51:13

Jatun yacucuna tiyac allpapi causaccunalla, cancunaca chayuccunami canguichic. Cancunapac huañuimi chayamushca.

DANIEL 2:44

Chai jatun mandaccuna mandacui punzhacunami jahua pacha Diosca jaicapi mana tucuchipac llactata mandachun churanga. Chai llactata mandactaca mana shuctac runacunaman cungachu. Chai jatun mandacmi shuctac jatun mandaccunata ñutuchishpa tucuchinga. Shinami paica huiñaita mandacungalla.

NÚMEROS 24:20

Balaam amalecitacunata ricushpa, yuyarina rimaicunahuan huillashpa: «Amalecitacunapac llactaca tucuita yallimi. Shina cashpapish tucuchishpa chingachishcami canga» nirca.

SAN JUAN 1:49

Shina nicpimi Natanaelca: —¡Yachachic, canca Diospac Churimi cangui, israelcunata Jatun Mandacpishmi cangui!— nirca.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

APOCALIPSIS 17:1

Copacunata charicuc canchis angelcunapuramanta shuc shamushpaca: «Shamui, yacucuna jahuapi tiyacuc cullquimanta huainayac huarmita llaquichigricushcata ricuchisha.

APOCALIPSIS 17:15

Cutinllatacmi angelca: «Chai cullquimanta huainayac huarmi tiyacushca yacucunaca aillucuna, taucalaya gentecuna, taucalaya rimaita rimaccuna, shinallatac llactacunami can.

APOCALIPSIS 19:16

Paipac churanapipish, changapipish “Amocunapac Amo, Jatun Mandaccunapac Jatun Mandac” nishca quillca apashcami carca.