NÚMEROS 24:13 - Dios Rimashcata Quillcashcami

¹³ “Balac paipac jatun huasi junda curita, cullquita cucpipish, Mandac Dios ama ruhuachun nishcataca mana ruhuashachu. Allitapish, mana allitapish, imatapish ñuca munaimantaca mana ruhuashachu, ashtahuanpish Mandac Dios nishcallatami ruhuasha” nircani?

NÚMEROS 24:13 Iomraidhean Croise

1 REYES 13:8

Ashtahuanpish Diospaclla runaca jatun mandactaca: —Cambac charishcamanta chaupita cusha nicucpipish, cambac huasimanca mana rishachu. Cai llactapica micunatapish mana micushachu, yacutapish mana ubiashachu.

1 REYES 22:14

Shina nicpipish Micaiasca: —¡Mandac Diospac shutipimi nini: Ñucaca pai ima nishcatami huillasha!— nirca.

NÚMEROS 16:28

Shina cacpimi Moisesca: —Cunanmi tucui caicunataca mana ñuca munaillamanta ruhuacushcata, ashtahuanpish Mandac Diosllatac ruhuachun cachashcata yachanguichic.

NÚMEROS 22:18

Shina nicpimi, Balaamca Balacta serviccunataca: —Mandac Balac mandana huasi junda curita, cullquita cucpipish ñucata Mandac Dios ama ruhuachun nishcataca ashalla cacpipish, achca cacpipish mana ruhuashachu.

NÚMEROS 22:20

Chai tuta Mandac Dios Balaampacman ricurishpaca: —Chai runacuna canta pushangapac shamushca cacpica, jatarishpa paicunahuan rilla. Shina rishpapish, ñuca nishcallata ruhuangui— nirca.

NÚMEROS 22:8

Shina nicpimi Balaamca: —Cunan tutaca caillapi pacarichic. Ñucaca Mandac Dios imata nishcatami cancunamanca huillasha— nirca. Shina nicpimi, Moab llactata pushaccunaca Balaampac huasipi pacarirca.