NÚMEROS 23:21 - Dios Rimashcata Quillcashcami

²¹ Jacobopac churi israelcunapica ima juchata mana ricushcanichu. Ima millaitapish mana ricushcanichu. Mandac Diosca paicunahuanmi. Paitaca: “Jatun mandacmi cangui” nishpami caparincuna nirca.

NÚMEROS 23:21 Iomraidhean Croise

2 CRÓNICAS 13:12

Riqui, Mandac Diosca ñucanchic-huanmi. Paimi ñucanchicta mandacun. Paipac curacunapish cancunahuan macanacugrichunmi, trompetapi sinchita tocangapac ñucanchic-huan shayacun. Chaimanta israelcunalla, cancunapac ñaupa taitacunata Mandac Dios-huan ama cariyaichicchu. Paitaca, ¿maitatac mishai pudinguichicyari?» nirca.

SALMOS 103:12

Inti llucshinamanta inti tigranaca carupimi. Juchacunata ñucanchicmanta anchuchishpaca chashnami caruyachirca.

SALMOS 118:15

Cashcata ruhuaccunapac carpa huasipica cushicuihuan cantashcapish, quishpichishcamanta rimashcapish uyarinmi. Mandac Diospac alli maquimi yallita mishacun.

SALMOS 135:21

¡Mandac Diosca Jerusalenpimi causan! ¡Paica Sionmanta pacha alli nishca cachun! ¡Mandac Diosta alabaichicyari!

SALMOS 23:4

Canca ñucahuanmi cangui. Chaimanta huañunalla amsa huaicuta ricushpapish imata mana manchashachu. Cambac taunahuan, cambac varahuan cuidashpami ñucaman fuerzata cungui.

SALMOS 32:2

Mandac Dios mana juchanchishca runaca cushicunmi. Paipac shungupica llullana munaica mana tiyanchu.

SALMOS 32:5

Ñuca juchacunata huillashpaca ima mapata ruhuashcatapish mana pacashpami huillarcani. Ñucaca: «Canta mana cazushcataca can Mandac Diosmanmi huillasha» nircani. Chashna huillacpimi, ñuca millaita ruhuashpa juchallishcataca perdonarcangui.

SALMOS 46:11

Tucuita Mandac Diosca ñucanchic-huanmi. Ñucanchic miticunaca taita Jacobopac Diosmi.

SALMOS 46:7

Tucuita Mandac Diosca ñucanchic-huanmi. Jocobopac Diosca ñucanchic jarcarinami.

SALMOS 97:1

¡Mandac Diosca mandacunmi! ¡Tucui cai pachapi causaccuna cushicuichicyari! ¡Mama cucha patapi causac llactacunapish cushicuichicyari!

SALMOS 99:2

Mandac Diosca Sionpica jatunmi. Tucui gentecunata yalli jatunmari.

ÉXODO 13:21

Tutapish, punzhapish israelcuna purishpa catichunmi, Mandac Diosca punzhaca suni puyuhuan, tutaca suni ninahuan ñaupashpa achicyachishpa pusharca.

ÉXODO 3:12

Shina nicpimi, Mandac Diosca: —Ñucami canhuan casha. Ñuca canta cachashcata ricuchingapacca, shuc ricuchinatami ricuchigrini. Egiptomanta ñuca acllashcacunata llucchimushca quipaca, tucui cancunami cai urcupi ñucata servinguichic— nirca.

ÉXODO 34:9

—Mandac Dioslla, cambac ñahuipi alli ricurishca cacpica, cai gentecuna yallimana millaita ruhuac, sinchi shungu cacpipish, ñucanchic-huan jaculla. Juchata ruhuashpa, mana alli cashcataca perdonashpa, cambacllata ruhuashpa, chasquiyari— nirca.

ISAÍAS 1:18

Mandac Diosca: «Cunanca tandanacushpa allichingapac ñucapacman shamuichic. Cancunapac jucha puca tela shina cacpipish, rasu shina yuranllatami ruhuasha. Yana puca tela shina cacpipish, yuranlla millma shinatami ruhuasha.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

ISAÍAS 33:21

Chaipimi Mandac Diosca ñucanchicta sinchiyachinga. Chaipica tendirishpa, callpacuc yacu shinami canga. Chaitaca uchilla barcocunapish, jatun barcocunapish mana puringachu.

ISAÍAS 33:22

Mandac Diosmi ñucanchic juez. Mandac Diosllatacmi mandashcacunata cucca. Mandac Diosllatacmi ñucanchic Jatun Mandacca. Paillatacmi ñucanchicta quishpichin.

ISAÍAS 38:17

Riqui, ñucapac allipacllatami chai llaquica japirca. Shina cacpipish, cuyashpami jutcupi ñuca ismugrinamanta quishpichircangui. Ñuca juchacunata huashaiman shitac shina, perdonashpami quishpichircangui.

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

ISAÍAS 8:10

Diosca ñucanchic-huanmi. Chaimanta imata yuyarishcaca yangallami canga. Imata ruhuasha nishcapish mana pactangachu» nirca.

JEREMÍAS 50:20

Ñucallatac causachun saquishca israelcunapac juchacunataca perdonashami. Chaimantami chai punzhacunapi, chai huatacunapica israelcunapish, Judá runacunapish jucha illac cangacuna. Paicunapica juchaca mana tiyangachu. Chaitaca Mandac Dios ñucami nini.

EZEQUIEL 48:35

Chai llacta muyundica iscun huaranga metromi canga. Chai punzhamanta pachami chai puebloca, ‘Mandac Diosmi cai llactapica’ nishpa shutichishca canga» nirca.

JOEL 2:27

Shina ruhuacpimi, cancunaca ñucaca cancunapac chaupipi cashcata, ñucaca Mandac Dios cashcata, ñucapac randi shuctac dios mana tiyashcata yachac chayanguichic. Pai acllashcacunaca jaicapi mana pingaichishcachu canga.

LEVÍTICO 9:24

Mandac Diospac ñaupamanta nina llucshimushpami, tucui rupachina animal aichatapish, altar jahuapi churashca huiratapish tucui rupachirca. Caita ricushpaca, tucui israelcunami cushicushpa, pambacaman cumurishpa, Mandac Diostaca allimari cangui nirca.

NÚMEROS 14:18

“Mana utca piñaric, yallita cuyacmi cani. Millaita ruhuaccunatapish, mana cazuccunapish perdonac, shina cashpapish mana allita ruhuashcataca mana saquishpa llaquichicmi cani. Taitacuna millaita ruhuashcamantaca huahuacunatami quimsaniqui, chuscuniqui miraicaman llaquichic cani” nishcanguimi.

NÚMEROS 14:19

Egipto llactamanta llucshishpa, caiman chayamuncaman perdonac shinallatac cunanpish paicuna mana allita ruhuashcataca cambac jatun cuyaimanta perdonaiyari— nirca.

NÚMEROS 16:3

Tucui cai gentecunami Moisestapish, Aarontapish llaquichishpaca: —¡Ña mana ashtahuan ñucanchicta mandanachu canguichic! Tucui israelcunami Diospaclla chicanyarishca cancuna. Mandac Diospish ñucanchic chaupipimi causacun. Shina cacpica, ¿ima nishpatac cancunalla tucuita yachaclaya mandashpalla causacunguichic?— nirca.

NÚMEROS 9:22

chishita puyu anchuricpica, ricllami carca. Puyuca maijan cutinca ishcai punzhata, shuc quillata, mana cashpaca shuc huatata Dios-huan tupana huasi jahuapi cacpica, israelcunaca maiman mana rishpami chaillapitac caclla carca. Ashtahuanpish puyu anchuricpimi, puri callari carca.

SAN MATEO 1:23

Chai huillaccunaca: «Manarac carihuan chayarinacushca shuc solterami, huicsayuc tucushpa, shuc cari huahuata charinga. Chai huahuaca Emanuel shutimi canga» nishcami. (Emanuel nishpaca: «Dios ñucanchic-huan» nisha ninmi).

ROMANOS 6:14

Cancunaca mana Moisés mandashcacuna mandashcachu causacunguichic, ashtahuanpish Diospac cuyaimantami causacunguichic. Chaimanta cancunaca ña mana jucha mandashcachu causacunguichic.

ROMANOS 8:1

Cunanca Jesucristohuan shuc shinalla caccunamanca, ña mana jatun llaquica tiyangachu.

2 CORINTIOS 2:14

Diostaca pagui ninimi. Paimi ñucanchictaca Cristo Jesus-huan mishaccuna cashcata ricuchishpa punzhanta pushacun. Shinallatac mai llactapipish mishquilla ashnacuc shina Cristopac alli huillaica ñucanchicmantami huillaricun.

2 CORINTIOS 5:19

Diosca gentecunapac juchata mana yuyarishpami, Jesucristomanta tucui cai pachapi causaccuna paihuan alli tucuchun chasquicun. Dios-huan alli tucunata huillaccuna cachunmi, ñucanchicman mingarca.

2 CORINTIOS 6:16

Dios causana huasihuan ruhuashcalla dioscunahuanca, ¡maitatac shuc shinalla tucungayari! Ñucanchicmi causac Dios causana huasica canchic. Diosllatacmi: «Ñucaca paicunahuanmi causasha, paicunahuanmi purisha. Ñucaca paicunapac Diosmi casha. Paicunaca ñuca acllashcacunami canga» nishca.

DEUTERONOMIO 31:23

Mandac Dios Nunpac churi Josueta cachacushpaca: «¡Sinchicui, ama manchaichu! Canmi israelcunata ñaupashpa ñuca paicunaman cungapac ari nishca llactaman yaicungui. Ñucami canhuan casha» nirca.

DEUTERONOMIO 32:5

Cancunaca huaclliric, millaillata ruhuaccunami canguichic. Mana paipac huahua shinachu canguichic. Millaita ruhuac, mana cazucmi canguichic.

DEUTERONOMIO 33:5

Israelcunata mandaccunahuan, caishuc mandaccunahuan tandanacucpica, Mandac Diosca Jesurunpimi mandac carca.

DEUTERONOMIO 9:24

Ñuca ricsishca punzhamanta pachami Mandac Diosta piñachircanguichic.

JUECES 6:13

Shina nicpimi Gedeonca: —¡Ñuca amolla! Mandac Dios ñucanchic-huan cacpica, ¿imamantatac cashna tucunchicyari? ¿Ñucanchic ñaupa taitacuna: “Mandac Diosmi Egiptomanta llucchimurca” nishpa, cai tucui sumacta parlashcaca maipitacyari? Cunanca madianitacunapac maquipimari ñucanchictaca jichushca— nirca.

1 SAMUEL 25:28

Canta servic ñuca piñachishcataca perdonai. Mandac Diosllatacmi can ñucata mandacmanca huiñaita mandanata cunga. Ñuca amomi Mandac Diosmanta macanacucun. Cambac tucui causaipi ima mana allica canpica mana tiyangachu.