NÚMEROS 22:34 - Dios Rimashcata Quillcashcami

³⁴ Chaimantami Balaamca Mandac Diospac angeltaca: —Can ñanpi ñucata jarcacushcata mana yachashpami juchallishcani. Ñuca rina mana alli cacpica, cutishpa rishalla— nirca.

NÚMEROS 22:34 Iomraidhean Croise

2 SAMUEL 12:13

Shina nicpimi, Davidca Natantaca: —Chashna juchallishpaca, Mandac Diosta piñachishcanimi— nirca. Shina nicpimi, Natanca: —Mandac Diospish cambac juchata perdonashcami. Chaimanta mana huañunguichu.

1 CRÓNICAS 21:7

David caita ruhuashcaca Mandac Diospac ñaupapica mana allichu carca. Chaimantami taita Diosca israelcunata llaquichirca.

SALMOS 78:34

Shina huañuchicucpimi, Diosta mashcarcacuna. Shinami tucui munaihuan mana shaicushpa mashcarcacuna.

ÉXODO 9:27

Chaimantami Faraonca Moisestapish, Aarontapish cayachishpaca: —Cunanca, juchallishcanimi, ñucapish, ñucapac gentecunapish mana allitachu ruhuashcanchic. Mandac Diosca cashcata ruhuacmi.

PROVERBIOS 24:18

Pacta Mandac Dios chaita ricushpa cantapish mana alli ninman. Pacta paita piñarishpa llaquichinatapish paimanta anchuchinman.

NÚMEROS 11:1

Shuc punzhami israelcunaca yarcaihuan cashpa, Mandac Diosta rimarirca. Chaita uyashpami Mandac Diosca nina japiric shina piñarishpa, israelcuna causana carpa huasi muyundita rupachirca.

NÚMEROS 14:40

Chai quipa tutamanta utca jatarishpa, urcu lomaman rishpaca: —Ñucanchicca juchallishcanchictacmi, cunanca Mandac Dios cusha nishca llactaman ringapacca caipimi canchic— nirca.

NÚMEROS 22:12

Shina nicpimi, Mandac Diosca Balaamtaca: —Chai runacunahuanca ama richu. Chai gentecunatapish ama maldiciaichu. Paicunaca ñuca bendiciashca gentecunami— nirca.

NÚMEROS 22:33

Burroca quimsa cutinmi ñucata ricushpa, ñucapac ñaupamanta ladoyarca. Burro mana anchuricpica, canta huañuchishpami burrotaca causacta saquiman carcani— nirca.

1 SAMUEL 15:24

Shina nicpimi, Saulca Samueltaca: —Shinashpaca juchatami ruhuashcani. Mandac Dios mandashcatapish, can ima nishcatapish mana cazushcanichu. Gentecunata manchashpami paicuna ima mañashcata ruhuachun saquircani. Shina cacpipish, ñuca juchata perdonai.

1 SAMUEL 15:30

Shina nicpimi Saulca: —Ñucaca juchatami ruhuashcani. Shina cacpipish, israelcunata pushac yuyaccunapac ñaupapish, israelcunapac ñaupapipish jatun mandac cashca shinallatac ñucata alli ningui. Canta Mandac Diosta alli nishpa mañangapac ñucahuan cutishun— nirca.

1 SAMUEL 24:17

Chai quipami Davidtaca: —Ñuca canta mana allita ruhuacucpipish, canca allitami ñucamanca ruhuashcangui. Chaimantami canca ñucata atishpa cashcata ruhuac cangui.

1 SAMUEL 26:21

Shina nicpimi Saulca: —Ñuca huahua Davidlla, ñucaca juchatami ruhuashcani. Cunanca cutilla, ashtahuanca mana llaquichishachu. Canca ñuca causaita yalli cuyashpami, cunanca mana huañuchishcagui. Riqui, ñucaca yuyai illac runa shinami, mana allita ruhuashpa pandarishcani— nirca.