NÚMEROS 22:32 - Dios Rimashcata Quillcashcami

³² Chaipimi Mandac Diospac ángel Balaamtaca: —¿Ima nishpatac cambac burrotaca quimsa cutin macarcangui? Riqui, can ñuca ñaupapi mana allita ruhuangapac ricucpimi, jarcangapac shamurcani.

NÚMEROS 22:32 Iomraidhean Croise

SALMOS 145:9

Mandac Diosca tucuihuanmi alli. Tucui pai ruhuashcacunaca pai llaquishcamantami tiyan.

SALMOS 147:9

Paimi animalcunamanpish micunata cun. Cuervocunapac huahuacuna micunata mañacpipish paimi caran.

SALMOS 36:6

Cashcata can ruhuashcapish cambaclla jatun urcucuna shinami. Can mandashcacunaca jatun mama cucha yacu shinami. Mandac Dioslla, gentecunatapish animalcunatapish cambac maquipi charingui.

PROVERBIOS 14:2

Allita ruhuashpa causac runaca Mandac Diostami manchan. Ashtahuanpish mana allita ruhuac runaca mana ricunayachinchu.

PROVERBIOS 16:2

Runapac yuyaipica pai tucui ruhuashcacunami alli ricurin. Ashtahuanpish Mandac Diosmi chai yuyaitaca pezac shina ricucun.

PROVERBIOS 28:18

Allita ruhuashpa causac runaca ima llaquimantapish quishpiringami. Ashtahuanpish mana allita ruhuashpa causac runaca llaquipimi urmanga.

PROVERBIOS 28:6

Chayuc cashpapish millaita ruhuashpa causanapac randica, huaccha cashpa allita ruhuashpa causanami ashtahuan alli.

JONÁS 4:11

Ñucaca, ¿manachu patsac ishcai chunga huaranga runacuna causana Nínive llactamantaca llaquisha? Paicunaca maijan alli lado maqui, lluqui lado maqui cactapish mana yachaccunami. Shinallatac animalcunapish chaipi tiyanmi— nirca.

MIQUEAS 6:5

Ñuca acllashcacunalla, cunanca Moab llactata jatun mandac Balac cunashcata yuyarichicyari. Beorpac churi Balaam Sitimmanta Gilgalman chayashpa, imata nishcatapish yuyarichicyari. Chashna yuyarishpami, Mandac Dios ñucaca cashcata ruhuac cashcata yachanguichic» ninmi.

NÚMEROS 22:20

Chai tuta Mandac Dios Balaampacman ricurishpaca: —Chai runacuna canta pushangapac shamushca cacpica, jatarishpa paicunahuan rilla. Shina rishpapish, ñuca nishcallata ruhuangui— nirca.

NÚMEROS 22:22

Shina Balaam ricucpimi, Mandac Diosca nina japiric shina piñarirca. Shinallatac Mandac Diospac angelmi ñanta mana pasachisha nishpa jarcarca. Balaamca paipac burropi montashcami paita serviccunahuan ricurca.

NÚMEROS 22:28

Chaipimi Mandac Diosca burrota rimachishpaca: —Can quimsa cutin ñucata macachunca, ¿cantaca imatatac ruhuarcaniyari?— nirca.

NÚMEROS 22:33

Burroca quimsa cutinmi ñucata ricushpa, ñucapac ñaupamanta ladoyarca. Burro mana anchuricpica, canta huañuchishpami burrotaca causacta saquiman carcani— nirca.

NÚMEROS 22:35

Shina nicpi, Mandac Diospac ángel Balaamtaca: —Chai runacunahuan rilla. Shina rishpapish ñuca imata nichun nishcallata ningui— nirca. Shina nicpimi, Balaamca Balac cachashca mandaccunahuan rirca.

HECHOS 13:10

—¡Canca Diablopac huahuami cangui! ¡Canca cashcata ruhuanata saquishpami, mana allillata ruhuashpa causangui! ¿Ima horacamantac Mandac Dios munashca shina, alli causasha nicuccunataca pandachingui?

DEUTERONOMIO 23:4

Paicunaca, cancuna Egipto llactamanta llucshimucpica, micunallahuanpish, yacullahuanpish mana tupangapac llucshircachu. Ashtahuanpish Mesopotamia llactapi tiyac Petormanta Beorpac churi Balaamtami cancunata maldiciachun apamurca.

DEUTERONOMIO 25:4

Trillacushpaca ama huagrata shimita huatanguichicchu.