NÚMEROS 22:12 - Dios Rimashcata Quillcashcami

¹² Shina nicpimi, Mandac Diosca Balaamtaca: —Chai runacunahuanca ama richu. Chai gentecunatapish ama maldiciaichu. Paicunaca ñuca bendiciashca gentecunami— nirca.

NÚMEROS 22:12 Iomraidhean Croise

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

2 CRÓNICAS 31:10

Chashna tapucpi, Sadoc curapac huasi ucupuracunata mandac Azarías curaca: «Mandac Diosman ofrendata cushpa, paipac huasiman apamui punzhamanta pachami ñucanchicca yallita micushcanchic. Chaipac jahuapica achca puchushcaracmi. Mandac Diosmi pai acllashcacunamanca bendiciashca. Chaimantami paicuna imata carashcacunaca achca puchushca» nirca.

SALMOS 144:15

Chashna sumac causaita chariccunaca alli nishca cachun. ¡Paicunapac Dios Mandac Dios cashcamantamim chashna alli nishca cancuna!

SALMOS 146:5

Jacobopac Dios ayudashca causaccuna cushicuichic. Mandac Diospi shunguta churashpa causaccuna cushicuichic.

ISAÍAS 61:9

Paicunapac huahua huahuacunapish, retoñac shina llucshishca huahuacunapish llactacunapac ricsiscami canga. Paicunata ricuccunaca “Mandac Dios ñuca bendiciashca huahua huahuacunami” ningacunami» ninmi.

MIQUEAS 6:5

Ñuca acllashcacunalla, cunanca Moab llactata jatun mandac Balac cunashcata yuyarichicyari. Beorpac churi Balaam Sitimmanta Gilgalman chayashpa, imata nishcatapish yuyarichicyari. Chashna yuyarishpami, Mandac Dios ñucaca cashcata ruhuac cashcata yachanguichic» ninmi.

NÚMEROS 22:11

“Cai tucui gentecunami Egiptomanta shamushpa, tucui llactacunapi jundashca. Cunanca paicunata maldiciashpa cuiyari. Chashna maldiciacpi, ñuca paicunata atishpaca, cai llactamanta llucchishpa cachashapishchari” nichunmi cachashca— nirca.

NÚMEROS 22:13

Cayandi tutamanta Balaam jatarishpa, Balac cachashca pushaccunataca: —Mandac Diosca ñucataca mana cancunahuan richun munanchu. Chaimanta cancunapac llactaman cutichiclla— nirca.

NÚMEROS 22:6

Cai gentecunaca ñucata yalli sinchicunami. Chaimanta paicunata maldiciangapac shamuiyari. Can maldiciacpica, paicunata atishpa, cai llactamanta llucchishpa cachashapishchari. Chaica, can maldiciacpica, chashnami tucun. Cutin can maijanta bendiciacpica, chashnami tucun. Chaitaca allimi yachani» nirca.

NÚMEROS 23:23

Jacobopac churi israelcunataca ima brujeriatapish, ima shuctac millaicunatapish mana ruhuai pudinchu. Jacobopac churi israelcunataca: “¡Diosca yalli allitami ruhuashca!” ningacunami.

NÚMEROS 23:3

Chai quipaca Balaamca Balactaca: —Ñucaca rigrinimi. Ñuca cutingacaman cambac cushca tucui rupacuc ladopi shuyacui. Mandac Dios ñucahuan tupangapac shamungapishchari. Pai imata nicpica, huillashallami— nirca. Shina nishpaca shuc shitashca urcumanmi rirca.

NÚMEROS 23:8

Shina cacpipish, Dios mana maldiciacpica, ¿ima shinatac maldiciashayari? Mandac Dios mana llaquichicpica, ¿ima shinatac llaquichishayari?

NÚMEROS 24:9

León samarishpa siricuc shinami. Mama león sueñushpa siricucpica, ¿pitac ricchachingayari? ¡Paicunata bendiciaccunaca bendiciashca cachun! ¡Cutin paicunata maldiciaccunaca maldiciashca cachun!» nirca.

SAN MATEO 27:19

Pilato, pai mandanapi tiyacucpimi, paipac huarmica: —Chai allita ruhuac runamantaca, shuc mancharinatami tutaca muscurcani. Paitaca ama imata ruhuanguichu— nichun cacharca.

ROMANOS 11:29

Diosca imata cushpapish mana quichunchu. Cayashpapish mana cungarinchu.

EFESIOS 1:3

Cristohuan shuclla tucushcamantami, ñucanchicmanca paipac Espirituta cushpa, jahua pachapi tiyac tucuilaya allicunata Diosca curca. ¡Chaimantami ñucanchic Apunchic Jesucristopac Diostaca alli nicunalla canchic!

DEUTERONOMIO 2:7

Mandac Diosca cancuna imata ruhuacpipish bendiciashcami. Cai shitashca pambata ricucpica, paimi tucuipi cuidarca. Mandac Diosca chuscu chunga huatatami cancunahuan cashca. Cancunamanca imapish mana illashcachu.

DEUTERONOMIO 23:5

Ashtahuanpish Mandac Diosca Balaamtaca mana uyasha nircachu. Mandac Diosca cuyanmi. Chaimantami maldicianapac randica bendiciarca.

DEUTERONOMIO 28:6

Cancunaca maiman yaicushpapish, llucshishpapish bendiciashcami canguichic.

DEUTERONOMIO 33:29

¡Israelcunalla, cushicuichicyari! ¿Cancuna shina, Mandac Dios quishpichishca gentecunaca pi shuctac tiyangachu? ¿Pitac canta escudo shina pacacca tiyangayari? Cancunata piñaccunataca paipac espadahuanmi cumurichinga. Shinami cancunaca, cancunata piñaccunapac cungapi sarunguichic» nirca.

DEUTERONOMIO 7:14

Tucui llactacunamanta yallimi bendiciashca canguichic. Cancunapurapica yarcaipish mana tiyangachu. Mana huachac huarmipish, mana huachac animalpish mana tiyangachu.