NÚMEROS 21:33 - Dios Rimashcata Quillcashcami

³³ Chaimanta cutishpaca, Basán llactaman rina ñantami huichaiman rirca. Paicuna chaita ricucpimi, Basán llactata jatun mandac Ogca tucui paipac gentecunahuan Edreipi macanacungapac llucshirca.

NÚMEROS 21:33 Iomraidhean Croise

SALMOS 135:11

Amorreocunata jatun mandac Sehontapish, Basán llactata jatun mandac Ogtapish shinallatac tucui Canaán llactapi causac jatun mandaccunatapish huañuchirca.

SALMOS 136:20

Basán llactata jatun mandac Ogta huañuchic Diosta alabaichicyari. ¡Paica huiñaita llaquicmi!

SALMOS 22:12

Ñucataca achca piña huagra shinami muyucuncuna. Basán llacta piñac huagracunapac chaupipi shinami cani.

SALMOS 68:15

¡Basán urcuca Diospac urcumi! ¡Chai urcucunaca jatun urcumi!

SALMOS 68:22

Mandac Diosca: «Basán llactamantami cutichimusha. Mama cucha yacumantapish llucchimushami.

ISAÍAS 33:9

Allpapish yallita llaquillami. Líbano urcu yuracunapish pingaihuanmi. Sarón pambapish shitashca pambami tucushca. Basán urcupish, Carmelo urcupish chaquishcami saquirishca.

EZEQUIEL 27:6

Barcota purichinacunataca Basán llactamanta encina caspimantami ruhuarca. Catataca Quitim llactamanta pino caspihuan, marfilhuanmi ruhuarca.

EZEQUIEL 39:18

Sinchi runacunapac aichatami micunguichic. Llactata mandaccunapac yahuartami ubianguichic. Paicunaca Basán urcupi huirayashca cari ovejacuna, maltón ovejacuna, cari chivocuna, huagracuna shinami.

AMÓS 4:1

Mandac Diosca: «Basán llacta huirayashca vacacuna shina Samariapi causac huarmicunalla, caita alli uyaichic. Cancunaca huacchacunata, imata mana chariccunata sarushpami llaquichinguichic. Cutin cancunapac cusacunataca: “¡Vinota apamushpa machashunchic!” ninguichicmi» ninmi.

NÚMEROS 32:33

Paicuna shina nicpimi, Moisesca Gadpac, Rubenpac aillucunaman, Josepac churi, Manasespac chaupi aillumanpish amorreocunata jatun mandac Sehón mandacushca, jatun mandac Og mandacushca llactacunata, chai llactacuna ucupi tiyac llactacunandi, llacta muyundi llactacunandi curca.

DEUTERONOMIO 1:4

Hesbón llactapi causac amorreocunata jatun mandac Sehonta shinallatac Edrei, Astarot llactapi causac Basán llactata jatun mandac Ogta atishca quipami caicunataca huillarca.

DEUTERONOMIO 2:30

Ashtahuanpish Hesbón llactata jatun mandac Sehonca Mandac Dios paipac shunguta sinchiyachicpimi, mana paipac llactata pasachisha nirca. Ashtahuanpish chai llactata cancunaman cungapacmi chai mandacpac yuyaitapish, shungutapish sinchiyachirca. Chashnami cunancaman chai llactapi causacunguichic.

DEUTERONOMIO 29:7

Chashnami cai llactaman chayamurcanchic. Hesbón llactata jatun mandac Sehonpish, Basán llactata jatun mandac Ogpish ñucanchic-huan macanacungapac llucshircami. Shina cacpipish atircanchicmi.

DEUTERONOMIO 32:14

Vaca leche mantequillatapish, oveja lechetapish, maltón oveja huirahuan, cari oveja huirahuanmi cararca. Basanmanta cari chivohuan, tucuimanta yalli alli trigohuanmi cararca. Sumac uvas vinotami ubiachirca.

DEUTERONOMIO 4:47

Chashnami paicunapac llactatapish, Basán llactata mandac Ogpac llactatapish japirca. Amorreocunata ishcai mandaccunaca Jordán yacumanta inti llucshina ladoman cac llactacunapimi causarca.

JOSUÉ 12:4

Basán llactataca jatun mandac Ogca refaitacunapuramanta saquirishcami carca. Paica Astarot, Edrei pueblocunapimi causarca.

JOSUÉ 13:12

Jatun mandac Og mandacuc Basán llactatapish curcami. Chai jatun mandacca Astarot, Edrei pueblotami mandac carca. Paica refaitapuramanta saquirishcami carca. Paicunatami Moisesca atishpa llucchishpa cacharca.

JOSUÉ 13:30

Paicunapac llactaca Mahanaim pueblomantaca tucui Basán llacta, shinallatac Basán llactapi causac Jairpac sucta chunga uchilla llactacunapishmi carca. Basán llactataca jatun mandac Ogmi mandacurca.

JOSUÉ 9:10

Shinallatac Jordán yacumanta chimba ladopi causac amorreocunata ishcai jatun mandaccunata imata ruhuashcatapish uyarcanchicmi. Chai mandaccunaca Astarot llactapi Hesbón pueblota mandac Sehón, shinallatac Basán pueblota jatun mandac Ogmi carca.