NÚMEROS 20:17 - Dios Rimashcata Quillcashcami

¹⁷ Chaimanta cambac llactata pasachun saqui. Cambac allpa jahuatapish, uvas chagra jahuatapish mana rishunchu. Junducunamantapish mana yacuta ubiashunchu. Lluquimanpish, allimanpish mana llucshishpami, purina jatun ñanllata pasashun” ninguichic» nirca.

NÚMEROS 20:17 Iomraidhean Croise

2 CRÓNICAS 20:10

Israelcuna Egiptomanta llucshimucpica, Amón llactapi causaccunapac, Moab llactapi causaccunapac, Seir llactapi causaccunapac llactacunata pasachunca, mana munarcanguichu. Ashtahuanpish paicunamanta caruta rishpa, paicunata ama tucuchichunmi mandarcangui.

NÚMEROS 21:1

Neguev llactapi causac Arad llactata jatun mandac Canaán llactamanta runaca Atarimman rina ñanta israelcuna shamucucta uyashpami macanacungapac llucshirca. Shina macanacushpami maijan israelcunataca prezurca.

DEUTERONOMIO 2:27

“Cambac llacta ñanta ñucanchic pasachun saqui. Allimanpish, lluquimanpish mana ladoyashpami, jatun ñanllata rishun.

DEUTERONOMIO 2:28

Micunatapish, ubianatapish cullquihuanmi randishun, ashtahuanpish chaquillahuan ñanta pasachun saqui.

DEUTERONOMIO 2:29

Seirpi causac Esaupac churicuna, Arpi causac moabitacuna ñanta mañachishca shinallatac pasachun saqui. Ñucanchicca Jordán jatun yacuta pasashpa, ñucanchicta Mandac Dios cushca llactamanmi chayanata munanchic” nirca.