NÚMEROS 20:16 - Dios Rimashcata Quillcashcami

¹⁶ Chaimantami ñucanchic Mandac Diostaca caparishpa mañarcanchic. Chashna mañacpica, Mandac Dios uyashpami paipac angelta Egiptomanta llucchichun cacharca. Cunanca cambac llacta lindero cuchulla Cadespimi canchic.

NÚMEROS 20:16 Iomraidhean Croise

ÉXODO 14:10

Jatun mandac Faraón ña cuchuyacucpimi, israelcunaca huichailla ricushpa, Egipto runacuna caticucta ricurca. Chaimantami mancharishpa Mandac Diosta caparishpa,

ÉXODO 14:19

Tandanacushca israelcunapac ñaupata ric Diospac angelca ladoyashpami, paicunapac huashaman tucurca. Shinallatac israelcunapac ñaupata ric suni puyupish ladoyashpami huashaman tucurca.

ÉXODO 23:20

Ñuca allichishca llactaman cuidashpa, ñanta pushachunmi, ñuca angelta ñaupata cachani.

ÉXODO 33:2

Ñuca angelta cambac ñaupata cachashpami, cancuna japina llactamantaca cananeocunatapish, amorreocunatapish, heteocunatapish, ferezeocunatapish, heveocunatapish, jebuseocunatapish llucchishpa cachasha.

ÉXODO 6:5

Shinallatac Egipto runacuna israelcunata achcata servichicpi, paicuna llaquihuan caparishcata uyarcanimi. Paicunahuan ari nishcatapish yuyarircanimi.

DANIEL 6:22

Leoncuna ñucata ama llaquichichunmi ñuca Diosca leoncunapac shimita huichcachun, paipac angelta cacharca. Paipac ñaupapica ima juchayuc mana canichu. Jatun mandaclla, cambac ñaupapipish mana faltayucchu cani— nirca.

NÚMEROS 20:15

Ñucanchic ñaupa taitacunaca Egiptoman rishpa, chaipi tauca huatata causashcata, chai gentecuna ñucanchictapish, ñucanchic taitacunatapish ima shina llaquichishcata yachanguimi.

NÚMEROS 21:22

«Cambac llactata pasachun saqui. Cambac allpa jahuatapish, uvas chagra jahuatapish mana rishunchu. Junducunamantapish mana yacuta ubiashunchu. Lluquimanpish, allimanpish mana ladoyashpami, jatun ñanllata pasashun ningui» nirca.

NÚMEROS 33:37

Cadesmanta llucshishpaca, Edom llactahuan tupanacuc Hor urcupimi carpa huasita shayachishpa tiyarirca.

DEUTERONOMIO 4:34

Mandac Diosmi Egipto llactapi cancuna causacucpi, llaquicunata cachashpa, milagrocunata ruhuashpa, jatun macanacuita ruhuashpa paipac poderhuan, paipac maquihuan llucchimurca. ¿Pai shina shuctac dioscunaca tiyangachu?

DEUTERONOMIO 4:37

Paica cancunapac ñaupa taitacunata cuyashpami, paicunapac huahua huahuacunataca acllarca. Paimi Egiptomantaca paipac poderhuan llucchimurca.

JOSUÉ 15:1

Judapac churicunamanpish paicuna mashna cashcata ricushpami suerteta ruhuashpa curca. Paicunaca Edom llactacaman, shitashca pamba Zincamanmi inti llucshina ladoman japirca.