NÚMEROS 20:11 - Dios Rimashcata Quillcashcami

¹¹ Chashna nishpami, Moisesca maquita alzashpa, paipac varahuan ishcai cutin rumi quingraipi huactarca. Chashna huactacpica, achca yacumi llucshirca. Chai yacutami tandanacushca israelcunapish, paicunapac animalcunapish ubiarca.

NÚMEROS 20:11 Iomraidhean Croise

1 CRÓNICAS 15:13

Utcapica cancuna mana apamushcamanta, shinallatac pai mandashca shina mana ruhuashcamantami ñucanchicta Mandac Diosca llaquichirca» nirca.

1 CRÓNICAS 15:2

Shina ruhuashpami Davidca: «Diospac Arcataca mana pipish apangachu, ashtahuanpish levitacunallami apanga. Mandac Diosmi paicunataca paipac Arcata apachunpish, tucui causaipi paita servichunpish acllashca» nirca.

SALMOS 105:41

Rumi quingraita chaupishpami yacuta llucchirca. Chai yacuca chaquishca allpacunatami jatun yacu tucushpa callparca.

SALMOS 114:8

Paimi chaquishca rumi quingraitaca yacu junduta ruhuarca. Jatun rumitaca yacu tucyacuctami ruhuarca.

SALMOS 74:15

Canmi yacu junducunatapish, callpac yacucunatapish llucchircangui. Pi mana jarcaipac jatun yacutapish chaquichircangui.

SALMOS 78:15

Shitashca pambapica Rumi quingraita paquishpami yacuta llucchishpa ubiachirca.

SALMOS 78:16

Callpacuc yacuta llucchishpami tucui pambacunata caita chaita callpacucta ruhuarca.

SALMOS 78:20

Riqui, rumi quingraita paquishpami yacuta llucchishpa, pambacunapi caita chaita callpacucta ruhuarca. Chashna ruhuacpipish, ¿tandata carai pudingachu? ¿Pai acllashcacunaman aichata carai pudingachu?» nircacuna.

ÉXODO 17:6

Ñucaca Horeb urcu jahuapimi cambac ñaupapi casha. Can rumipi varahuan huactacpica, chaimanta yacuca llucshingami. Chaipica ubiangallami— nirca. Moisesca israelcunata pushaccunapac ñaupapimi chashna ruhuashpa ricuchirca.

ISAÍAS 43:19

Ñucaca cancuna mana ricushca mushuctami ruhuacuni Chaitaca ñallami ricuchisha. Chaitaca, ¿manachu ricunguichic? Cutinmi shitashca pambata ñanta pascashpa, chaquishca pambacunapica jatun yacucunata llucchisha.

ISAÍAS 48:21

Chaquishca pambata pushacpipish mana yacunayachircacunachu. Rumimantami yacuta llucchirca. Jatun rumi quingraita paquicpimi, yacuca callparca” ninguichic» ninmi.

OSEAS 13:5

Ñucami shitashca pambapi cancunata ayudarcani.

LEVÍTICO 10:1

Aaronpac churi Nadab, Abiú curacunami incienso rupachinapi ninata japichishpa, Mandac Diospac ñaupapi inciensota rupachicurca. Chashnami manapish Mandac Dios mandacpimi, yanga inciensota churashpa rupachicurca.

NÚMEROS 20:8

«Cambac varata japishpa, cambac huauqui Aaronhuan ishcai tucushpa, tucui israelcunata tandachishpa, paicunapac ñaupapi jatun rumita rimai. Shina rimacpica, chai rumimantaca yacumi llucshinga. Chai yacutaca israelcunamanpish, paicunapac animalcunamanpish ubiachingui» nirca.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

1 CORINTIOS 10:4

Dios cushca ubianatami ubiarcacuna. Paicunahuan ricuc Rumimanta llucshicuc yacutami ubiarcacuna. Chai Rumica Cristomi carca.

DEUTERONOMIO 8:15

Paimi huañuchic culebracuna, alacrancuna tiyac, maipipish mana yacu tiyac, shitashca pambata pushamurca. Yacunayachicpipish, paimi sinchi rumimanta yacuta llucchirca.

SANTIAGO 1:20

Pipish piñaricca, Dios munashcataca mana ruhuanchu.

JUECES 15:19

Chaimantami Diosca chai Lehi pambapi tiyac pugrupi yacuta llucchirca. Chai yacuta ubiashpami Sansonca cutin sinchiyarca. Chaimantami chai yacu tiyac pushtutaca En-hacoreta shutichirca. Chai yacuca cunancamanmi tiyan.

1 SAMUEL 15:19

¿Ima nishpatac Mandac Dios mandashcata mana cazushpa, chai piñaccunapac ima tiyashcacunata apamushpa, Mandac Diospac ñaupapica mana allita ruhuarcangui?— nirca.

1 SAMUEL 15:24

Shina nicpimi, Saulca Samueltaca: —Shinashpaca juchatami ruhuashcani. Mandac Dios mandashcatapish, can ima nishcatapish mana cazushcanichu. Gentecunata manchashpami paicuna ima mañashcata ruhuachun saquircani. Shina cacpipish, ñuca juchata perdonai.