NÚMEROS 20:1 - Dios Rimashcata Quillcashcami

¹ Tandanacushca israelcunaca callari quillapimi Zin shitashca pambaman chayashpa, Cadespi tiyarirca. Moisespac pani Mariaca chaipimi huañurca. Chashna huañucpica, chaillapitacmi enterrarca.

NÚMEROS 20:1 Iomraidhean Croise

GÉNESIS 14:7

Paicunaca En-mispat nishca Cades llactamanmi catirca. Chashna cutishpami, amalecitacuna causana llactatapish, Hazezon-tamarpi causac amorreocunatapish tucuchirca.

SALMOS 29:8

Mandac Dios rimashcaca shitashca pambacunatami cuyuchin. Shitashca pamba Cadestapish cuyuchinmi.

ÉXODO 15:20

Chaimantami Aaronpac pani, Dios ima nishcata huillac Mariaca panderota japishpa, huactai callarirca. Shina huactacpica, shuctac huarmicunapish cantashpa, danzashpami catirca.

ÉXODO 2:4

Cutin chai huahuapac panica carullamantami huahua ima tucucta ricucurca.

ÉXODO 2:7

Chaimantami huahuapac panica Faraonpac ushitaca: —¿Chai huahuata huiñachichun, israelpuramanta shuc huarmita cayagrishachu?— nirca.

EZEQUIEL 47:19

Ura lado linderoca Tamar llactamantaca Meriba yacucaman, Cades llactamanta Egipto llacta tupanacuipi tiyac yacuta catishpa, mama cuchacamanmi canga.

MIQUEAS 6:4

Ñucami Egipto llactamantaca llucchimurcani. Cancuna, chai llactapi huatashca shina causacucpimi, Moisesta, Aaronta, Mariata cachashpa quishpichircani.

NÚMEROS 12:1

Moisés Cus llactata huarmihuan cazarashcamantami Mariapish, Aaronpish juchanchishpa rimarirca.

NÚMEROS 12:10

Mandac Dios-huan tupana huasi jahuamanta puyu anchuricpica, Mariaca tucui cuerpomi leprahuan rasu shina yuracyashca saquirirca. Aarón tigrarishpa ricucpica, Mariaca leprahuanmi cashca carca.

NÚMEROS 12:15

Shina nicpimi, Mariataca canchis punzhacaman carpa huasicunamanta llucchishpa cacharca. María paicunahuan tandanacungacamanmi israelcunaca maiman mana rirca.

NÚMEROS 13:21

Paicuna huichai rishpaca, Zin shitashca pambamanta Rehob llactacaman chayashpami Hamat llacta yaicunacaman chayarca.

NÚMEROS 13:26

Shina cutimushpaca, Paranpi cac Cades shitashca pambapi Moisespish, Aaronpish, tucui israelcunapish cacpimi chayamurca. Chaipimi paicunamanpish, tucui israelcunamanpish ima shina cashcata tucui huillarca. Shinallatac chai llactapi pucushcacunatapish ricuchishpami,

NÚMEROS 20:16

Chaimantami ñucanchic Mandac Diostaca caparishpa mañarcanchic. Chashna mañacpica, Mandac Dios uyashpami paipac angelta Egiptomanta llucchichun cacharca. Cunanca cambac llacta lindero cuchulla Cadespimi canchic.

NÚMEROS 20:22

Tandanacushca israelcunaca Cadesmanta llucshishpaca, Hor urcumanmi chayarca.

NÚMEROS 20:28

Chaiman chayashpaca, Moisesca Aaronpac churanata llucchishpami paipac churi Eleazarman churachirca. Aaronca chai urcu jahuapimi huañurca. Chai quipaca Moisespish, Eleazarpish chai urcumanta urai shamurcami.

NÚMEROS 26:59

Amrampac huarmica Levipac ushi Jocabedmi carca. Paica Leví Egiptopi cacpimi huacharirca. Amrampac huarmi Jocabedca Aaronta, Moisestami charirca.

NÚMEROS 27:14

Cancunaca Zin shitashca pambapi cashpa, yacu mana tiyacpi, israelcuna ñucata llaquichicpica, ñucata mana cazurcanguichicchu. Meriba yacupica ñuca jucha illac cashcataca mana paicunapac ñaupapi ricuchircanguichicchu— nirca. Yacumantami Cades ladopi tiyac shitashca pamba Zinpi piñarirca.

NÚMEROS 33:36

Ezión-geber pambamanta llucshishpaca, shitashca pamba Zinman chayashpami Cades muyundipi carpa huasita shayachishpa tiyarirca.

DEUTERONOMIO 1:46

Chaimantami cancunaca Cadespica unaita causarcanguichic.

DEUTERONOMIO 2:14

Cades-barneamanta rishpa, Zered yacuta pasangacamanca quimsa chunga pusac huatami tucurca. Chai huatacunapica Mandac Dios nishca shinallatacmi israelcunapac macanacuc runacunaca tucui huañurca.

DEUTERONOMIO 32:51

Cadespi tiyac Meriba yacupi, shitashca pamba Zinpi cashpaca ñucata llaquichircanguimi. Israelcunapac chaupipica mana ñucataca jucha illac nishpa huillarcanguichu.

JUECES 11:16

Chaica israelcuna Egipto llactamanta llucshishpaca shitashca pambatami Puca Cuchata pasashpa, Cades puebloman chayarca.