NÚMEROS 2:18 - Dios Rimashcata Quillcashcami

¹⁸ Efrainpac aillumanta soldadocunaca inti yaicuna ladopimi quiquin banderahuan carpacunata shayachishpa tiyaringa. Paicunataca Amihudpac churi Elisamami mandanga.

NÚMEROS 2:18 Iomraidhean Croise

GÉNESIS 48:5

Chaica, ñuca manarac cai Egipto llactapi canhuan causangapac shamucpi, cai llactapi huacharishca ishcai churi Efrainpish, Manasespish ñuca quiquin churicunami. Paicunaca ñuca churi Rubén, Simeón shinallatacmi ñuca churicuna can.

JEREMÍAS 31:9

Paicunaca huacashpami cutimunga. Ñucaca sumac yacu pugru pambata, maita mana mitcaripac sumac ñantami cushichishpa pushamusha. Ñucami israelcunapac taita cani. Efrainca ñuca punta churimi.

NÚMEROS 1:10

Josepac ishcai churicunamantaca Efrainpac aillumanta Amihudpac churi Elisamami canga. Cutin Manasespac aillumantaca Pedasurpac churi Gamaliel.

NÚMEROS 1:32

Josepac churicunapuramantaca Efrainpac churimantaca huasi ucupurata catishpa, ishcai chunga huatayucmanta callarishpa, macanacuiman ripac caricunataca

NÚMEROS 10:22

Chai quipataca Efraín aillupac soldadocunami banderahuan rirca. Paicunataca Amihudpac churi Elisamami mandacurca.

NÚMEROS 2:19

Cutin paicunaca chuscu chunga huaranga pichca patsacmi canga.

NÚMEROS 7:48

Canchis punzhapica Amihudpac churi Efrainpac churicunata pushac Elisamami ofrendata apamurca.

NÚMEROS 7:53

Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunatami Amihudpac churi Elisamaca Diosman cungapac apamurca.

DEUTERONOMIO 33:17

Punta huacharishca huagra shina sumaimana cachun. Sacha huagrapac gachu shina fuerzasapami. Chai fuerzahuanmi shuctac llactacunataca cai pacha tucuricaman catishpa cachanga. ¡Efrainpac huahua huahuacunapish, Manasespac huahua huahuacunapish huaranga huarangami canga!» nirca