NÚMEROS 19:11 - Dios Rimashcata Quillcashcami

¹¹ Maijanpish, huañushcapi tuparishpaca canchis punzhacamanmi mapa canga.

NÚMEROS 19:11 Iomraidhean Croise

ISAÍAS 52:11

¡Babilonia llactamanta anchurichic, anchurichic! Chaimanta llucshichic. Imapish mapapica ama tuparichicchu. Chai llacta chaupimanta llucshichic. ¡Mandac Diospac caccunata apaccunapish mapa illac tucuichic!

LAMENTACIONES 4:14

Ñahui mana ricuc shinami, ñancunata purirca. Paicunapac churanapish yahuarpi cahuirishcami carca.

EZEQUIEL 39:12

Chai huañushcacunataca canchis quillacamanmi enterranga. Chashna enterracpimi, Israel llactaca mapa illac saquiringa.

EZEQUIEL 44:26

Mapayashpaca armarinami can. Chai quipaca canchis punzhatami chuyayana can.

LEVÍTICO 11:31

Pambata aisarishpa puric animalcunamantaca tucui chaicunami mana micuna animalcuna. Maijanpish chai huañushca animalcunapi tuparicca tutayangacamanmi mapa canga.

LEVÍTICO 21:1

Mandac Diosca Moisestaca: «Aaronpac churi curacunataca: “Cancunapac llactapi huañushcapi tuparishpa ama mapayanguichicchu.

LEVÍTICO 21:11

Huañushca siricuc ucumanpish mana yaicunachu can. Chai huañushca paipac taita mama cacpipish, mana mapayanachu can.

LEVÍTICO 22:4

Aaronpac huahua huahuapuramanta maijanpish lepra ungüihuan, mana cashpaca yurac yacu cacharirishca cashpa, manarac chuyayashpaca ñucapaclla chicanyachishcataca mana micui pudinchu. Huañushcapi, ima shuctac mapapi, yurac yacu cacharirishca runapi,

LEVÍTICO 5:2

Maijanpish mana yachashcamanta mapami nishcacunapi tuparishpaca mapayanmi. Chaica, sacha animal huañushcapi, charina animal huañushcapi, aisarishpa puric animal huañushcapi tuparishpa mapayashpaca, juchayucmi tucunga.

HAGEO 2:13

Hageoca: —Maijan huañushcapi tuparishpa, chai micunacunapi tuparicpica, chaicunaca, ¿mapachu tucunga?— nirca. Shina tapucpimi curacunaca: —Ari, mapami tucunga— nirca.

NÚMEROS 19:16

Espadahuan huañuchishca mai pambapi siricucpi, mana cashpaca ungüihuan huañushcapi, mana cashpaca huañushcapac tullupi, mana cashpaca huañushcata enterrashcapi tuparishpaca, canchis punzhacamanmi mapa canga.

NÚMEROS 31:19

Shinallatac Moisesca: —Cancunapuramanta maijanpish huañuchishca cashpa, maijanpish huañushcapi tuparishca cashpaca, canchis punzhatami carpa huasimanta canzhapi cana canguichic. Ña quimsa punzha tucucpi, shinallatac canchis punzha tucucpica cancunapish, cancuna prezu apamushcacunapish armarishpa, mapa illacmi saquiringa.

NÚMEROS 5:2

«Israelpuramanta maijan lepra ungüihuan cacpi, yurac yacu cacharirishca cacpi, huañushcapi tuparishpa mapayashca cacpica, carpa huasimanta caruman llucchishpa cachachun mandangui.

NÚMEROS 6:6

Mandac Diospac chicanyarishca punzhacunapica huañushcapi mana tuparinachu can.

NÚMEROS 9:10

—Israelcunataca: “Cancunapuramanta, mana cashpaca cancunapac huahuacunamantaca huañushcapi tuparishpa mapayashca cashpapish, carupi cashpapish Mandac Dios ñucata yuyarishpa Pascua micuita ruhuai pudinmi.

NÚMEROS 9:6

Ashtahuanpish maijanca huañushcapi tuparishpa mapa cashcamantami Pascua micuitaca mana micui pudircacuna. Chaimantami paicunaca Moisespacman, Aaronpacman

HECHOS 21:26

Chaimantami Pabloca cayandi punzha chai chuscu runacunata pushashpa, Diospac ñaupapi alli ricuringapac armaringapac rirca. Chashna ruhuashpaca, paicuna armarina punzhacuna ima punzha tucurina cashcata curacunaman huillangapacmi, Diosta mañana huasiman yaicurca. Chai punzhapimi ofrendata cuna carca.

HECHOS 21:27

Canchis punzha tucugricucpimi, Asia llactamanta maijan israelcuna Pablotaca Diosta mañana huasipi ricurca. Chaimantami tucui gentecunata jatarichishpa, Pablota japircacuna.

ROMANOS 5:12

Shuc runallamantami cai pachapica juchaca yaicurca. Chai juchamantami huañuica tiyan. Shinallatac tucui mashna juchallishcamantaca huañunami can.

2 CORINTIOS 6:17

Chaimantami tucuita Mandac Diosca: «Paicunapuramanta llucshichic. Paicunamanta chicanyarichic. Imapish mapayachic-huanca ama chapurichicchu, chaipica ñucaca chasquishami.

EFESIOS 2:1

Ñaupaca Diosta mana cazushpa, juchata ruhuashpa causacushcamantami, cancunaca huañushca shina carcanguichic.

HEBREOS 9:14

¡Apunchic Jesuspac yahuarcarin, tucuimanta yalli valishcami! Paica huiñaita causacuc Diospac Espirituhuan cashpami, ima millaita mana ruhuac cashpapish, pai quiquin Diosman curishpa huañurca. Paipac yahuarmi millai yuyaicunahuan mana allita ruhuashpa, causacucpi, causacuc Diosta servicta ruhuan.