NÚMEROS 18:27 - Dios Rimashcata Quillcashcami

²⁷ Cancuna cushcaca trillana pambamanta cushca shina, chagramanta vinota cushca shinami canga.

NÚMEROS 18:27 Iomraidhean Croise

GÉNESIS 50:10

Jordán yacu chimba ladopi cac Atad nishca trillana pambaman chayashpaca tucuilla tandanacushpami, llaquilla huacarca. Joseca paipac taita huañushcamantami canchis punzhacaman churashca llaquilla carca.

2 REYES 6:27

Shina caparicpi jatun mandacca: —Mandac Diospish llaquishpa mana ayudacpica, ¿ñucacarin ima shinatac ayudashayari? ¿Trillana eramanta, mana cashpaca, uvas cutanamantachu cusha?— nirca.

NÚMEROS 15:20

Trillana pambamanta ashata ñucaman cuc shinallatac tandata masashpapish ñucaman shuc tortata cunguichic.

NÚMEROS 18:26

«Levitacunataca: “Israelcuna chungamanta shucta cushcata cancuna japishpaca, cancunapish chungamanta shucta alzashpa cunguichic.

NÚMEROS 18:28

Cancunapish israelcuna chungamanta shucta cushcataca ñucaman alzashpa cunguichic. Chai ñucaman alzashpa cushcataca Aarón curaman cunguichic.

NÚMEROS 18:30

Cancuna japishcamanta ashtahuan alli ofrendata alzashpa ñucaman cushca quipaca, trillana pambapi trillashca grano shina, chagramanta vino shinami cancunapac canga.

DEUTERONOMIO 15:14

Mandac Dios bendiciashca cancunapac oveja manadamanta, trillana pambamanta, uvasta cutanamanta imallatapish cunguichic.