NÚMEROS 17:3 - Dios Rimashcata Quillcashcami

³ Levipac huasi ucupurata pushacpac taunapica Aaronpac shutita quillcangui. Chaica, huasi ucupurata cada pushaccunapacmi shuc tauna tiyanga.

NÚMEROS 17:3 Iomraidhean Croise

ÉXODO 6:16

Levica patsac quimsa chunga canchis huatatami causarca. Levipac churicunaca punta churimanta quipa churicamanca: Gersón, Cohat, Merarimi carca.

ÉXODO 6:20

Amramca paipac tia Jocabedhuanmi cazararca. Chai huarmica Aarón, Moisés huahuacunatami charirca. Amramca patsac quimsa chunga canchis huatatami causarca.

JEREMÍAS 42:20

Cancunallatac: “Mandac Diosta ñucanchicmanta mañagri. Mandac Dios tucui nishcataca ñucanchicman huillangui. Tucui pai nishcata ruhuashunllami” nishpaca, pandarishpa llaqui tucushcanguichic.

EZEQUIEL 37:16

«Huañunalla runa, cunanca shuc caspita japishpa, chaipica: “Judapacpish, paihuan apanacuc israelcunapacpishmi” nishpa quillcai. Quipaca shuc caspita japishpa chaipica: “Efrainpac, Josepac huahuacunapacpish, paicunahuan apanacuc israelcunapacpishmi” nishpa quillcai.

NÚMEROS 17:2

«Israel huasi ucupurata tucui pushaccunapac taunata apamuchun mandai. Taunacunaca chunga ishcaimi canga. Chai taunacunapica paicunapac quiquin shutita quillcashpa,

NÚMEROS 17:4

Cai taunacunataca ñucahuan tupana huasi ucupi, ari nishca quillcata huacaichina Arca ñaupapi churangui. Chaipimi ñucaca cancunahuan tupasha.

NÚMEROS 18:1

Mandac Diosca Aarontaca: «Ñucapaclla chicanyachishca ucuman cuchuyashpa juchallishcamantaca canpish, cambac churicunapish, cambac huasi ucupuracunapish juchayucmi tucunguichic. Cutin curacuna mana allita ruhuashcamantaca canpish, cambac churicunapish juchanchishcami canguichic.

NÚMEROS 18:7

Altar ucupi curacuna ruhuanataca cambac churicunallahuanmi ruhuana canguichic. Shinallatac pañohuan jarcachishca ucupipish cancunallatacmi ruhuana canguichic. Maijanpish chaiman yaicushpaca huañungami. Curacuna ruhuanataca cancunamanmi cuni» ningui nirca.

NÚMEROS 26:10

Chaipimi allpa shimi pascarishpa paicunatapish, Coretapish tucui millpurca. Chaipi tandanacushca huañushcapish, nina japirishpa ishcai patsac pichca chunga gentecunata rupachishcapish shuctac gentecuna ama chashna millaita ruhuachun yuyachingapacmi carca.