NÚMEROS 16:48 - Dios Rimashcata Quillcashcami

⁴⁸ Chai quipaca huañushcacunapac, manarac huañushcacunapac chaupipimi Aaronca shayarirca. Shina shayaricpimi, chai llaquica ña mana huañuchishpa anchuri callarirca.

NÚMEROS 16:48 Iomraidhean Croise

2 SAMUEL 24:25

Chaipimi Davidca Mandac Diosman altarta ruhuashpa, paiman animalta cushpa, tucuita rupachishpa, Dios-huan alli tucungapacpish animalta curca. Chaipimi Mandac Diosca David mañashcata uyashpa, millai ungüitaca tucui Israel llactapi parachirca.

SALMOS 106:30

Chashna huañui caticpimi, Finees jatarishpa, millaita ruhuac runataca huañuchirca. Chaimantami mana ashtahuan huañurcacuna.

NÚMEROS 16:18

Shina nicpimi, tucui mashna paicunapac incienso churanata apashpa, chaipi ninatapish, inciensotapish churashpa, Moises-huan Aaronhuan Mandac Dios-huan tupana huasi yaicunaman cuchuyarca.

NÚMEROS 16:35

Chai quipaca Mandac Diospac ñaupamanta nina llucshishpami inciensota rupachic ishcai patsac pichca chunga gentecunata tucui rupachirca.

NÚMEROS 16:47

Shina nicpimi, Aaronca Moisés nishca shinallatac incienso rupachinata japishpa, israelcunapac chaupiman shamurca. Pai chayamucpica, ñami Diosca yallita piñarishpa gentecunata huañuchi callarirca. Aarón inciensota churashpami, israelcunapac juchata pichachun mañarca.

NÚMEROS 16:49

Chai punzhacamanca Diosta mana cazushpa huañushcacunata mana yupashpami chunga chuscu huaranga canchis patsac gentecuna huañurca.

SAN JUAN 5:14

Jesús, Diosta mañana huasipi chai runahuan tupashpaca: —Uyai, ña alliyashcanguimi. Ama ashtahuan juchallinguichu. Pacta ashtahuan llaquita apanguiman— nirca.

1 TESALONICENSES 1:10

Shinallatac huañushcacunapuramanta Dios causachishca quishpichic Jesucristo jahua pachamanta shamunata shuyacushcatapish, Dios piñarishpa llaquichimanta pai quishpichic cashcatapish parlancunami.

SANTIAGO 5:16

Alliyashca cangapacca, ima mana allita ruhuashcacunatapish caishuc chaishuc huillanacuichic. Caishuc chaishucmanta Diosta mañaichic. Cashcata ruhuac Diosman mañacpica, imatapish pactachingallami.