NÚMEROS 16:39 - Dios Rimashcata Quillcashcami

³⁹ Shina nicpimi, Eleazar curaca rupachicushpa huañushca runacunapac broncemanta ruhuashca incienso rupachinacunata apamushpa, altarta tapana ruhuarca.

NÚMEROS 16:39 Iomraidhean Croise

1 CRÓNICAS 24:2

Nadabpish, Abiupish huahuacunata manarac charishpami, paicunapac taita manarac huañucpi huañurca. Chaimantami Eleazar, shinallatac Itamar curacuna tucurca.

2 CRÓNICAS 26:18

Paicunami jatun mandac Uziasta piñarishpaca: «¡Uzías, Mandac Diosman inciensota rupachinaca mana cambac ruhuanachu! Ashtahuanpish Aaronpac huahua huahua curacunallami chaita rupachingapac chicanyachishca cashcamanta chaita ruhuai pudincuna. Diospaclla ucumanta llucshi. ¿Ima nishpatac chashna mana allita ruhuashpa, Mandac Diosta llaquichingapac shamurcanguiyari? Chashna ruhuashcamantaca Mandac Diospacca mana allichu cangui» nircacuna.

ESDRAS 2:62

Paicunataca, paicunapac ñaupa taitacunapac shuticunata quillcashcapi paicunapac shuticuna mana ricuricpimi, curacunapura canamantaca anchuchirca.

NÚMEROS 16:38

Chai inciensota rupachinacunaca quiquinllatac juchallishpa huañushcacunapacmi. Cunanca cai inciensota rupachinacuna ñucapaclla cashcamanta altarta quillpangapac yacuyachi. Caicunaca ñucapac ñaupapi inciensota churashpa rupachinacunami carca. Cai shina ruhuashcaca tucui israelcunapac shuc yuyarinami canga” ningui» nirca.

NÚMEROS 16:40

Israelcuna manapish Aaronpac huahua huahuacuna cashpa, Mandac Diospac ñaupapi inciensota rupachingapac mana chayarina cashcata yuyarichunmi chashnaca ruhuarca. Eleazarca Mandac Diosmi Moisesman huillashca shinami maijanpish manapish Aaronpac huahuacuna cashpa, inciensota rupachingapac cuchuyashpa, Coré shina, paita caticcuna shina huañuchunmi chashna ruhuarca.