NÚMEROS 16:38 - Dios Rimashcata Quillcashcami

³⁸ Chai inciensota rupachinacunaca quiquinllatac juchallishpa huañushcacunapacmi. Cunanca cai inciensota rupachinacuna ñucapaclla cashcamanta altarta quillpangapac yacuyachi. Caicunaca ñucapac ñaupapi inciensota churashpa rupachinacunami carca. Cai shina ruhuashcaca tucui israelcunapac shuc yuyarinami canga” ningui» nirca.

NÚMEROS 16:38 Iomraidhean Croise

1 REYES 2:23

Shina nishpami, jatun mandac Salomonca, Mandac Diospac ñaupapi ari nishpaca: «Adoniasca paillatac huañungapacmi cai shimicunata nishca. Paita mana huañuchicpica, Dios yallita llaquichichun.

PROVERBIOS 1:18

Ashtahuanpish chai runacunaca paicunallatac huañungapacmi tucllata ruhuancuna. Paicunapac llaquipacllatacmi tucllata churancuna.

PROVERBIOS 20:2

Jatun mandac yallita piñarishpaca león huacac shinami manchachin. Pipish paita piñachishpaca paillatacmi huañunga.

PROVERBIOS 8:36

Ashtahuanpish ñucamanta caruyacca paillatacmi causaita chingachin. Ñucata tucui piñaccunaca huañuitami cuyacun» nishpami caparicun.

JEREMÍAS 44:7

Cunanca, tucuita Mandac Diosca cancunataca: «¿Ima nishpatac cancunapac llaquipacllatac yalli mana allicunata ruhuanguichic? Chaimantami Judá llactapi causacpurapica caricunapish, huarmicunapish, huambracunapish, chuchucuc huahuacunapish huañushpa tucuricun.

EZEQUIEL 14:8

Chai runata chashna llaquichishpami tucuipac yuyarina cachun, shuc señalta ruhuasha. Chashnami ñuca acllashcapuramanta anchuchisha. Shina ruhuacpimi, ñucataca Mandac Dios cashcata yachanguichic.

HABACUC 2:10

Achca gentecunata pandachishpami, canllatac pandarishcangui. Tucui chaicunata ruhuashpami, cambac huasitaca pingaipi churarcangui.

NÚMEROS 16:37

«Aarón curapac churi Eleazartaca: “Inciensota rupachinacunaca ñucapacllami can. Chaimanta rupacuc chaupimanta incienso churanacunata apashpa, uchupata caruman shitagri.

NÚMEROS 16:39

Shina nicpimi, Eleazar curaca rupachicushpa huañushca runacunapac broncemanta ruhuashca incienso rupachinacunata apamushpa, altarta tapana ruhuarca.

NÚMEROS 16:40

Israelcuna manapish Aaronpac huahua huahuacuna cashpa, Mandac Diospac ñaupapi inciensota rupachingapac mana chayarina cashcata yuyarichunmi chashnaca ruhuarca. Eleazarca Mandac Diosmi Moisesman huillashca shinami maijanpish manapish Aaronpac huahuacuna cashpa, inciensota rupachingapac cuchuyashpa, Coré shina, paita caticcuna shina huañuchunmi chashna ruhuarca.

NÚMEROS 17:10

Mandac Diosca Moisestaca: «Aaronpac taunataca israelcuna ñucata mana cazushcata yuyarichun, ari nishca quillcata huacaichina Arca ñaupallapitac churai. Chaica ñucata mana cazushpa rimaccunapac shuc señalmi canga. Shinallatac paicunaca ña mana huañungachu» nirca.

NÚMEROS 26:10

Chaipimi allpa shimi pascarishpa paicunatapish, Coretapish tucui millpurca. Chaipi tandanacushca huañushcapish, nina japirishpa ishcai patsac pichca chunga gentecunata rupachishcapish shuctac gentecuna ama chashna millaita ruhuachun yuyachingapacmi carca.

1 CORINTIOS 10:11

Ñaupa taitacuna chashna tucushcaca ñucanchicta yuyachingapacmi tucushca. Shinallatac tucuri punzhacunapi causacucpi, ñucanchicta yachachingapacmi, Dios quillcachishcapi quillcachishca cashca.

2 PEDRO 2:6

Chashnallatacmi Sodoma pueblopi, Gomorra pueblopi causac millai gentecunataca uchupayangacaman rupachirca. Chashna ruhuashpaca, quipaman causac millai gentecuna chashnallatac tucuna cashcata ricuchingapacmi, chashnaca ruhuarca.