NÚMEROS 16:24 - Dios Rimashcata Quillcashcami

²⁴ —Tucui israelcunata: “Corepac, Datanpac, Abirampac carpa huasi ladomanta anchurichic” nigrichic— nirca.

NÚMEROS 16:24 Iomraidhean Croise

NÚMEROS 16:1

Coreca Coatpac huahua huahuamantami carca. Paica Izharpac churimi carca. Coatca Levipac aillumantami carca. Paimi Rubenpac aillumanta cac Datán, Abiram, Eliabpac churicunahuan, Peletpac churi Onhuan tandanacurca.

NÚMEROS 16:21

—Cai gentecunamanta anchurichic. Paicunataca cai ratomi tucui tucuchigrini— nirca.

NÚMEROS 16:23

Shina nicpimi, Mandac Diosca Moisestaca:

NÚMEROS 16:25

Mandac Dios shina nicpimi, Moisesca jatarishcahuan Corepacman, Datanpacman, Abirampacman rirca. Israelcunata pushac yuyaccunapish catishpami rirca.

NÚMEROS 16:45

«¡Cai gentecunapac chaupimanta anchuri! ¡Paicunataca cai ratomi tucuchigrini!» nirca. Shina nicpimi, pambacaman cumurirca.