NÚMEROS 16:18 - Dios Rimashcata Quillcashcami

¹⁸ Shina nicpimi, tucui mashna paicunapac incienso churanata apashpa, chaipi ninatapish, inciensotapish churashpa, Moises-huan Aaronhuan Mandac Dios-huan tupana huasi yaicunaman cuchuyarca.

NÚMEROS 16:18 Iomraidhean Croise

2 CRÓNICAS 26:16

Uzías ña tucuita mandai callarishpaca, jatun tucushpami llaquipi urmarca. Paica Mandac Diosta mana cazushpami, inciensota rupachina altarpi inciensota rupachingapac Diospac huasi ucuman yaicurca.

LEVÍTICO 16:12

Chai quipaca ñucapac ñaupapi cac altarmantami nina junda incienso rupachinata, ishcai puñado mishquilla ashnacuc ñuto inciensota apashpa, lienzohuan jarcachishca ñucapaclla chicanyachishca ucuman yaicunga.

LEVÍTICO 16:13

Chaipimi Aaronca Mandac Dios ñucapac ñaupapi cac ninapi inciensota rupachinga. Chashna rupachicpimi, mandashcata huacaichishca Arca tapa jahuata cushnica tapanga. Chashna tapacpimi, Aaronca mana huañunga.

NÚMEROS 16:17

Cada shuc inciensota rupachinata japishpa, chaipi inciensota churaichic. Tucui ishcai patsac pichca chunga runacuna inciensota churanata apashpa, Mandac Diospacman cuchuyanguichic. Aaronpish, paipaclla cac inciensota rupachinata japishpa, chaipi inciensota churashpami, Mandac Diospac ñaupaman cuchuyanga— nirca.

NÚMEROS 16:19

Coreca Moisestapish, Aarontapish llaquichishpami tucui israelcunata Mandac Dios-huan tupana huasi yaicunaman tandachirca. Shina cacpica, Mandac Diospac sumaimana achicca tucui israelcunapac ñaupapimi ricurirca.

NÚMEROS 16:37

«Aarón curapac churi Eleazartaca: “Inciensota rupachinacunaca ñucapacllami can. Chaimanta rupacuc chaupimanta incienso churanacunata apashpa, uchupata caruman shitagri.

NÚMEROS 16:48

Chai quipaca huañushcacunapac, manarac huañushcacunapac chaupipimi Aaronca shayarirca. Shina shayaricpimi, chai llaquica ña mana huañuchishpa anchuri callarirca.