NÚMEROS 16:17 - Dios Rimashcata Quillcashcami

¹⁷ Cada shuc inciensota rupachinata japishpa, chaipi inciensota churaichic. Tucui ishcai patsac pichca chunga runacuna inciensota churanata apashpa, Mandac Diospacman cuchuyanguichic. Aaronpish, paipaclla cac inciensota rupachinata japishpa, chaipi inciensota churashpami, Mandac Diospac ñaupaman cuchuyanga— nirca.

NÚMEROS 16:17 Iomraidhean Croise

ÉXODO 27:3

Altarmanta uchupata pallana mangatapish, paletocunatapish, lavacaracunatapish, garfio fierrocunatapish, carbonta churana mangatapish broncellamanta ruhuangui.

EZEQUIEL 8:11

Chaicunapac ñaupapica israelcunapuramanta canchis chunga pushac yuyaccunami carca. Chai pushac yuyaccunapac chaupipica Safanpac churi Jazaniasmi shayacurca. Tucui paicunami quiquin maquipi inciensota rupachinata charicurca. Shinallatac incienso cushnica puyu shinami jahuata ricurca.

NÚMEROS 16:16

Chai quipami Moisesca Coretaca: —Caya canpish, canta caticcunapish Mandac Diospac ñaupapi shayaringuichic. Aaronpish chaipimi canga.

NÚMEROS 16:18

Shina nicpimi, tucui mashna paicunapac incienso churanata apashpa, chaipi ninatapish, inciensotapish churashpa, Moises-huan Aaronhuan Mandac Dios-huan tupana huasi yaicunaman cuchuyarca.

1 SAMUEL 12:7

Cunanca cancunamanpish, cancunapac ñaupa taitacunamanpish Mandac Dios allita ruhuashcatami Mandac Diospac ñaupapi sinchita rimagrini. Cunanca alli uyaichic.