NÚMEROS 16:16 - Dios Rimashcata Quillcashcami

¹⁶ Chai quipami Moisesca Coretaca: —Caya canpish, canta caticcunapish Mandac Diospac ñaupapi shayaringuichic. Aaronpish chaipimi canga.

NÚMEROS 16:16 Iomraidhean Croise

ÉXODO 16:9

Chaimantami Moisesca Aarontaca: —Tucui tandanacushca israelcunataca: “Mandac Diospac cuchuman cuchuyaichic. Paica cancuna rimashcata uyashcami” ningui— nirca.

NÚMEROS 12:4

Mandac Diosca Moisestapish, Aarontapish, Mariatapish rimashpaca: «Ñucahuan tupana huasiman quimsata shamuichic» nirca. Shina nicpica, paicunaca rircami.

NÚMEROS 16:15

Chaimantami Moisesca yallita piñarishpa Mandac Diostaca: —Mandac Dioslla, Ñucaca shuc burrollatapish mana japishcanichu. Paicunapuramanta pitapish mana llaquichishcanichu. Chaimanta paicuna cushca ofrendataca ama chasquichu— nirca.

NÚMEROS 16:17

Cada shuc inciensota rupachinata japishpa, chaipi inciensota churaichic. Tucui ishcai patsac pichca chunga runacuna inciensota churanata apashpa, Mandac Diospacman cuchuyanguichic. Aaronpish, paipaclla cac inciensota rupachinata japishpa, chaipi inciensota churashpami, Mandac Diospac ñaupaman cuchuyanga— nirca.

2 TIMOTEO 2:14

Tandanacushca criccunapurapi “caica chashnami, chaica chashnami” ninacushpa ama piñanacui tiyachunca, Diospac ñaupapi cunashpa caicunata yachachingui. Chashna rimanacuicunaca imapacpish mana allichu, ashtahuanpish uyaccunata pandachinmi.

1 SAMUEL 12:3

Cunanpish caipimi cani. Cunan imatac nina cashpapish, mandac Diospac ñaupapi nichiclla. Huagrata cashpa, burrota cashpa maijanmanta quichushca cacpica, ñahui ñahui nichiclla. Maijanta cashpapish yanga juchanchishpa llaquichishca cacpi, mana cashpaca maijanmanta imatapish pacalla japishpa ñahuita huichcac shina mana ima nishpa saquishca cacpica huillaichiclla. Ñucaca cancunaman ima cutichina cacpipish cutichishallami— nirca.

1 SAMUEL 12:7

Cunanca cancunamanpish, cancunapac ñaupa taitacunamanpish Mandac Dios allita ruhuashcatami Mandac Diospac ñaupapi sinchita rimagrini. Cunanca alli uyaichic.