NÚMEROS 16:13 - Dios Rimashcata Quillcashcami

¹³ ¿Lechepish, mishquipish tiyac llactamanta ñucanchicta llucshimushpa, cai shitashca pambapi yarcaihuan huañuchun saquishcaca ashallachu? ¿Chashna ruhuacushca jahuachu cutin ñucanchicta mandac casha ningui?

NÚMEROS 16:13 Iomraidhean Croise

ÉXODO 1:11

Chaimantami paicunataca sinchita trabajachishpa llaquichichun, mandaccunata churarca. Shinami paicunaca sinchita trabajachishpa Pitón, Ramesés llactacunata shayachirca. Chai llactacunapimi Faraonca granota tandachirca.

ÉXODO 1:22

Shina cacpimi, Faraonca tucui llactapi causaccunata mandashpaca: «Cari huahua huacharicpica, Nilo yacupi shitaichic, cutin huarmi cacpica, saquinguichiclla» nirca.

ÉXODO 16:3

Paicuna rimarishpaca: —¡Mandac Dios, cai tucui gentecunata cai shitashca pambaman apamushpa, huañuchinapac randica, Egiptollapitac huañuchishca cashpachari alli canman carca! Chaipica aicha mangacunahuan tiyarishpami, huicsa pactata micuc carcanchic— nirca.

ÉXODO 17:3

Israelcunaca yacunayaihuan cashpa, Moisesta rimashpaca: —Ñucanchicpish, huahuacunapish, animalcunapish yacunayaihuan huañuchunca, ¿imapactac Egiptomanta llucchimurcangui?— nirca.

ÉXODO 2:14

Shina nicpimi, chai runaca: —¿Pitac cantaca ñucanchicta mandac cachun, juez cachun churarca? ¿Ñucatapish Egipto runata shinatachu huañuchisha ningui?— nirca. Chaimantami Moisesca: «Chai runata huañuchishcataca ñami yachac chayashca» nishpami, yalli manchaihuan carca.

ÉXODO 2:23

Tauca huatacuna quipami Egipto llactata jatun mandacca huañurca. Israelcunaca sinchi ruhuaicunapi cashpami, caparishpa Diosta mañarca. Chashna caparishpa mañashcataca Diosca uyarcami.

EZEQUIEL 34:18

Cancunaca, ¿manachu alli quihuata micucushpapish, saquirishcataca sarushpa mapayachinguichic? Shinallatac, ¿manachu chuyanlla yacuta ubiashpapish, chaquihuan cuyuchishpa mapayachinguichic?

NÚMEROS 11:20

Ashtahuanpish quilla jundatami amirishpa millanayachingacaman micugringuichic. Cancunapac chaupipi causac Mandac Diosta mana valichishpami cancunaca: ‘¿Imamantatac Egiptomanta llucshimurcanchic?’ nishpa Mandac Diospac ñaupapi huacarcanguichic. Chaimantami cashna micugringuichic” ningui— nirca.

NÚMEROS 11:4

Israelcunahuanca micunallata munac tucuilaya gentecunami chapurishca carca. Chai gentecunapac yuyaita japishpami israelcunaca: «¿Pitac aichata cungayari?

NÚMEROS 11:5

Egiptopica challuatapish yangami micuc carcanchic. Pepinocunatapish, meloncunatapish, puerros nishcacunatapish, cebollatapish, ajostapish ñucanchic munashcatami micuc carcanchic.

NÚMEROS 13:27

paicunaca: «Can ricumuchun cachashca llactataca ricumunchicmi. Chai llactapica lechepish, mishquipish yacu shina callpacucmi cashca. Riqui, cai granocunatami chaimanta apamunchic.

NÚMEROS 14:2

Israelcuna Moisestapish, Aarontapish rimashpaca: «¡Egipto llactallapitac huañushca cashpachari alli canchicman carca! ¡Mana cashpaca cai shitashca pambapi huañushpachari alli canchicman!

NÚMEROS 14:3

Mandac Diosca, ¿imamantatac ñucanchic huarmicuna, huahuacuna espadahuan piñaccunapac maquipi huañuchishca cachun cai llactamanca apamurca? ¿Manachu Egipto llactallamantac cutina alli canman?» nirca.

NÚMEROS 16:12

Cai quipami Moisesca Eliabpac churi Datantapish, Abiramtapish cayac cacharca. Ashtahuanpish paicunaca: —¡Mana rishun ninchicchu!

SAN LUCAS 19:14

Pai ña ricpica, chai llacta gentecuna paita piñashpa: “Cai runa ñucanchicta mandachunca, mana munanchicchu” nichun, huillaccunata quipata cacharca.

HECHOS 7:35

Chai Moisestami israelcunaca Egiptopica: “¿Pitac cantaca mandac cachun, juez cachun churarca?” nishpa, piñarishca carca. Ashtahuanpish paicuna piñashca Moisesllatatacmi, Diosca zarza yurapi ricuric angelta rimachishpa, mandac cachun, Egiptomanta israelcunata llucchic cachun churarca.