NÚMEROS 16:1 - Dios Rimashcata Quillcashcami

¹ Coreca Coatpac huahua huahuamantami carca. Paica Izharpac churimi carca. Coatca Levipac aillumantami carca. Paimi Rubenpac aillumanta cac Datán, Abiram, Eliabpac churicunahuan, Peletpac churi Onhuan tandanacurca.

NÚMEROS 16:1 Iomraidhean Croise

SALMOS 106:16

Carpacunapi cashpami Moisés shina casha nishpa piñarircacuna. Shinallatac Mandac Diospaclla chicanyachishca Aarontapish piñashpami rimarcacuna.

ÉXODO 6:16

Levica patsac quimsa chunga canchis huatatami causarca. Levipac churicunaca punta churimanta quipa churicamanca: Gersón, Cohat, Merarimi carca.

ÉXODO 6:18

Cohatpac churicunaca: Amram, Izhar, Hebrón, Uzielmi carca. Cohatca patsac quimsa chunga quimsa huatatami causarca.

ÉXODO 6:21

Izharpac churicunaca: Coré, Nefeg, Zicrimi carca.

NÚMEROS 15:41

Ñucami cancunata Mandac Dios cani. Ñucami cancunataca cancunapac Dios cangapac Egipto llactamanta llucchimurcani. Ñucaca cancunata Mandac Diosmi cani” ninmi ningui» nirca.

NÚMEROS 27:3

«Ñucanchic taitaca shitashca pambapimi huañurca. Paica mana Corepac gentecunahuan tandanacushpa, Mandac Diosta llaquichishcamantachu huañurca. Ashtahuanpish paica, paipac juchamantami huañurca. Churicunatapish mana charircachu.

DEUTERONOMIO 11:6

Rubenpac aillupura Eliabpac churi Datantapish, Abiratapish imata ruhuashcataca mana yachanchu. Paicunataca familiandi, carpacunandi, paicuna charishcacunandimi israelcunapac chaupipi allpa pascarishpa millpuc shina tucuchirca.

SAN JUDAS 1:11

Chashna gentecunaca, ¡aij, imachari tucungacuna! Paicunaca Caín ruhuashcatami catishcacuna. Balaam shinami, cullquiraicu pandarishcacuna. Shinallatac Coré shina cariyaclla cashcamantami, huañushpa chingaringacuna.