NÚMEROS 15:5 - Dios Rimashcata Quillcashcami

⁵ Ñucaman cushpa huañuchishca jahua, tucui rupachishca jahuami cada shuc ovejahuan cungapac shuc litro vinota cuna can.

NÚMEROS 15:5 Iomraidhean Croise

2 CRÓNICAS 29:35

Shinami rupachina animalcunaca achca tiyarca. Dios-huan alli tucungapac cushca animalcunapac huirapish, tucui rupachina animalhuan cushca vinopish achcami tiyarca. Shinami Mandac Diospac huasipica cutinllatac Diosta servinata callarirca.

ESDRAS 7:17

Chai cullquihuanca Jerusalenpi cac cancunapac Diospac huasipi tiyac altarpi Diosman cushpa rupachingapac becicunata, cari ovejacunata, maltón ovejacunata, rupachina harinahuan, tallina vinohuan mana cungarishpa randingui.

SALMOS 116:13

Quishpichishcata ricuchic copata alzashpami, Mandac Diospac shutita mañacushalla.

ÉXODO 29:40

Tutamantaca cada ovejahuan shuc litro yalli harinahuan, shinallatac shuc litrota chaupi olivos tacashca aceitehuan cungui. Ovejataca litrota chaupi vinohuan ñucaman cungui.

CANTARES 1:4

Ñucata pushaiyari. Cantaca catishpa callpashunllami. Jatun mandacmi paipac huasiman aparca. ¡Canhuanca yallita sumacta cushicushun! Can cuyashcataca, vinotapish yallimi yuyaricushun. Chaimantami cantaca cuyancuna.

LEVÍTICO 1:10

Tucuita rupachingapac ovejata, mana cashpaca chivota apamushpaca, ima mana tucushca cari animaltami apamuna can.

LEVÍTICO 23:13

Mandac Dios ñucaman mishquilla ashnachunca, chuscu kilo chaupi alli harinata aceitehuan chapushpa cunguichic. Chaica, ñucaman mishquilla ashnachun, rupachishcami canga. Shuc litro chaupi tallina vinotapish cunguichic.

LEVÍTICO 3:6

Maijanpish Mandac Dios-huan alli tucungapac cari ovejata, mana cashpaca huarmi ovejata cashpaca mana ima tucushca alli animaltami cuna can.

LEVÍTICO 3:7

Cutin pactalla ovejata cushpaca Mandac Diospac ñaupaman apamushpami,

ZACARÍAS 9:17

¡Chai llactaca mai sumacmi! Trigoca quipa huiñaicunatami sumacta huiñachinga. Vinoca carihuan manarac chayarishca solteracunatami cushichinga.

NÚMEROS 15:11

Chashnami cada becihuan, mana cashpaca cari ovejahuan mana cashpaca shuc huatayuc ovejahuan, cari chivohuanca cuna canguichic.

NÚMEROS 15:6

Cari ovejata ñucaman cushpa rupachingapacca chuscu kilo alli harinahuan shuc litro yalli aceitehuan chapushpa cunguichic.

NÚMEROS 28:14

Cada becihuan ishcai litro vinota cunguichic. Shuc huatayuc cada ovejahuan shuc litro vinota cunguichic. Caicunami cada quillapi huatanta ñucaman cushpa, tucui rupachinaca.

NÚMEROS 28:7

Shuc huatayuc cada cari ovejahuanca shuc litro vinota cunguichic. Chaitaca ñucapaclla cac ucupi Mandac Dios ñucapac ñaupapi tallinguichic.

FILIPENSES 2:17

Cancuna crishpaca, Diosman cushpa rupachic shinami cushcanguichic. Chaita pactachingapacca, ñuca quiquin causaita chingachina cacpipish chingachishallami. Chashna yuyashpami, tucui cancunahuan cushicuni.

2 TIMOTEO 4:6

Ñucaca ñami Diosman cushpa huañuchina shinalla cani. Ñuca caimanta rina punzhaca ñami chayamucun.

JUECES 9:13

Shina nicpimi, uvas yuraca: “¿Ñucaca cancunata mandac tucungaraicullachu Diostapish, runacunatapish cushichic llullu vino llucshina uvas pucunata saquisha?” nirca.