NÚMEROS 15:24 - Dios Rimashcata Quillcashcami

²⁴ juchallishcata tandanacushca israelcunapish mana yachacpica, tucui israelcunami ñucaman mishquilla ashnachun shuc becita tucui rupachina can. Mandashca shinallatacmi alli harinatapish, tallina vinotapish cuna can. Cutin juchata pichachunca shuc cari chivotami cuna can.

NÚMEROS 15:24 Iomraidhean Croise

ESDRAS 6:17

Chai huasita Diosman cushpaca, patsac becita, ishcai patsac cari ovejata, chuscu patsac maltón ovejatami Diosman curcacuna. Tucui israelcunapac juchamantaca chunga ishcai Israel aillucuna cashca shinallatacmi chunga ishcai maltón chivota curcacuna.

ESDRAS 8:35

Chai quipami prezu apashcamanta cutimushca gentecunaca israelcunapac Diosman animalcunata cushpa tucuimanta rupachirca. Paicunaca chunga ishcai becita, iscun chunga sucta cari ovejata, canchis chunga canchis maltón ovejata, chunga ishcai cari chivota, juchamanta Mandac Diosman cushcacunatapish tucui rupachirca.

LEVÍTICO 23:19

Shinallatac juchata pichachunca shuc cari chivota, cutin ñucahuan alli tucungapacca shuc huatayuc ishcai cari ovejata cunguichic.

LEVÍTICO 4:2

«Israelcunataca: “Maijanpish mana yachashcamanta Mandac Dios ñuca ama ruhuanguichu nishpa mandashcacunamanta maijan shucta mana pactachishpa, juchallicca caitami ruhuana can:

LEVÍTICO 4:22

Israelcunata maijan pushac mana yachashcamanta Dios ama ruhuachun nishpa mandashcacunata ruhuashpaca juchayucmi tucun.

LEVÍTICO 4:23

Chashna juchallishcata yachac chayashpaca, ima mana tucushca chivotami cuna can.

LEVÍTICO 5:15

«Maijanpish mana yachashcamanta Mandac Diosman cuna cashcata mana cushpaca juchallinmi. Chaimantaca paipac manadamantami ima mana tucushca shuc cari ovejatami Mandac Diosman cuna can. Chai ovejaca Diospac carpa huasipi tiyac siclos cullqui valishca shinami canga. Chai cullqui vali cacpimi, curaca juchata pichachun Diosman cunga.

LEVÍTICO 5:18

Chai juchamantaca oveja manadamantami ima mana tucushca cari ovejata, mashna valishcata ricushpa, curaman cuna can. Curami juchamanta Diosman cunga. Chashna cucpimi, Diosca chai juchacunataca perdonanga.

NÚMEROS 15:23

punta punzhamanta pacha cancunapish, cancunapac huahua huahuacunapish mana pactachishpa,

NÚMEROS 15:26

Chaipica tucui israelcunatapish, shuctac llactamanta shamushpa, cancunahuan causaccunatapish mana yachashcamanta juchallishcataca perdonashca canga.

NÚMEROS 28:15

Shinallatac juchata pichachun Mandac Dios ñucaman shuc cari chivota cunguichic. Caitaca punzhanta ñucaman cushpa tucuita rupachishca jahua, tallina vinota cushca jahuami cuna canguichic.