NÚMEROS 15:15 - Dios Rimashcata Quillcashcami

¹⁵ Cancunapish, shuctac llactamanta shamushpa, cancunahuan causaccunapish cai mandashcallatatacmi ruhuana canguichic. Cai mandashcaca huiñaitami cancunapacpish, cancunapac huahuacunapacpish canga. Shuctac llactamanta shamushca runapish cancuna shinallatacmi Mandac Dios ñucapac ñaupapi ruhuana can.

NÚMEROS 15:15 Iomraidhean Croise

ESTER 9:27

Judá gentecunaca chai ishcai punzhacunapica paicunaman quillcashca shinallatac paicunapac huahua huahuacunamanpish, paicunapura tandanacushcamanpish, mana cungarishpa pactachingapac, shinallatac ima punzhacunapi ruhuana cashca shinallatac huatanta ruhuangapacmi ari nircacuna.

ÉXODO 12:14

Chai punzhaca cancunapac yuyarinami canga. Chaimantami tucui cancunapac huahua huahuacunapish yuyarishpa, Mandac Diosman fiestata ruhuanga. Cai mandashcaca huiñaipacmi canga.

ÉXODO 12:24

Cai mandashcataca cancunapish, cancunapac huahua huahuacunapish tucui causaipimi cazuna canguichic.

ÉXODO 12:43

Mandac Dios Moisestapish, Aarontapish rimashpaca: —Pascua punzhataca cashnami ruhuana canguichic. Pascua micuitaca shuctac llactamanta caccunaca mana micunachu can.

ÉXODO 12:49

Cai mandashcallatatacmi cai llactapi causaccunamanpish, shuctac llactamanta shamushpa, cancunahuan causaccunapish pactachina can— nirca.

ÉXODO 28:43

Chai churanahuanmi Aaronpish, paipac churicunapish ñucahuan tupana huasipi tandanacungapac, mana cashpaca altarpi servingapac yaicunga. Mana chashna yaicushpaca, juchallishpa huañungami. Cai mandashcacunami huiñaipac Aaronmanpish, quipa miraicunamanpish can.

LEVÍTICO 24:22

Chai mandashcallatacmi israelcunapacpish, shuctac llacta gentecunapacpish canga. Ñucami cancunata Mandac Dios cani” ningui» nirca.

NÚMEROS 10:8

Trompetapica Aaronpac churi curacunami tocanga. Cai mandashcacunaca cancunapac huahua huahuacunapish tucui causaipi pactachichun mandashcami.

NÚMEROS 15:14

Maijanpish shuctac llactamanta shamushpa, cancunahuan causac runa ñucaman mishquilla ashnachun rupachishpaca, cancuna shinallatacmi ruhuana can.

NÚMEROS 15:29

Mana yachashcamanta juchalliccunaca israelcunapish, shuctac llactamanta shamushpa paicunahuan causaccunapish shuc mandashcallatacmi charincuna.

NÚMEROS 18:8

Mandac Diosca Aarontaca: «Riqui, ñucaman alzashpa cushca ofrendacunataca can cuidachunmi churani. Israelcuna chicanyachishpa ñucaman tucui cushcacunataca cura cashcamantaca canmi japina cangui. Caitaca huiñaipacmi cambac huahua huahuacunamanpish cuni.

NÚMEROS 9:14

Cancunahuan causac shuctac llactata runacunapish Mandac Dios ñucata yuyarishpa, Pascuata ruhuashpaca ima shina mandashca shinami ruhuana can. Chai quillcashpa mandashcacunallatatacmi cancunahuan causac shuctac runacunapish, quiquin llactamanta caccunapish ruhuana can” ningui— nirca.

GÁLATAS 3:28

Chaimantami cancunaca Judío cashpapish, griego cashpapish, servic cashpapish, mana servic cashpapish, cari cashpapish, huarmi cashpapish Cristo Jesus-huan shuclla tucushcamantaca, tucui mashnami shuc shinalla canguichic.

COLOSENSES 3:11

Chashna cashcamantami israelcuna cashpa, mana israelcuna cashpa, circuncisionta ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

JOSUÉ 8:33

Chaillapitacmi pushac uyaccunapish, juezcunapish, quipa mandaccunapish, shuctac llactamanta shamushcacunapish tucui israelcuna Arca ladopi, levita curacunapac ladopi ishcai ladoman shayacurca. Paicunaca Mandac Diosta servic Moisés mandashca shinallatacmi chaupica Gerizim urcu ladopi, shuc chaupica Ebal ladopi shayacurca. Israelcunarac bendicionta japingapacmi chashnaca shayacurca.

1 SAMUEL 30:25

Cai mandashcaca chai punzhamanta pacha cunan punzhacamanmi Israel llactapica shuc mandashca tucushca. Cai mandashcataca pactachishpami catincuna.