NÚMEROS 14:34 - Dios Rimashcata Quillcashcami

³⁴ Chuscu chunga punzhapimi Canaán llactata ricushpa purinaca tucurirca. Chai shinallatacmi chuscu chunga punzhata llaquita apanguichic. Cancuna mana allita ruhuashcamantaca cada punzhamanta shuc huatatami llaquita apanguichic. Chaipimi ñucata mana cazuna ima shina cashcataca yachanguichic.

NÚMEROS 14:34 Iomraidhean Croise

1 REYES 8:56

«¡Mandac Diosca alli nishca cachun! Paica paita servic Moisesta huillachun mandashca shinallatacmi tucui imata cusha nishcataca shuc rimashcallatapish mana cungarishpa, tucui pactachishca.

2 CRÓNICAS 36:21

Mandac Diosca paicunata cashna llaquichinataca Dios ima nishcata huillac Jeremiastami huillachishca carca. Paicunata chai llactaman apacpimi, Judá llactaca canchis chunga huatacunacaman sumacta samarirca.

SALMOS 105:42

Chaica paita servic Abrahamman paipac jucha illac shimihuan ari nishcata yuyarishpami pactachirca.

SALMOS 38:4

Ñuca millaita ruhuashcami ñucataca ñiticun. Jatun quipi shinami ñuca jahuapi llashacun.

SALMOS 77:8

¿Paica huiñaitachu ña mana llaquinga? ¿Pai ñucanchicman ruhuasha nishcataca huiñai huiñaitachu cungarishca canga?

SALMOS 95:10

Chaimantami paicunahuanca chuscu chunga huatata piñarishca carcani. Paicunataca: “Cai gentecunaca pandata yuyashpami, ñuca mandashcacunataca mana yachashun” nircacuna.

EZEQUIEL 14:10

Ñuca ima nishcata huillacpish, paiman tapuc runapish juchanchishpa, llaquichishcami canga.

EZEQUIEL 23:35

Chaimantami Mandac Dios ñucaca: Canca ñucata cungarishpa huashata ricuchircanguimi. Chashna mana alli yuyaihuan purishpa, huainayashcamantami llaquishca cana cangui” nini» nirca.

EZEQUIEL 4:5

Israelcunaca quimsa patsac iscun chunga huatatami juchallirca. Cada huatamantami shuc punzhata canca llaquita apana cangui.

EZEQUIEL 4:6

Ña chai punzhacunata pactachishca quipaca, alli ladoman siriringui. Shina siririshpaca, Judá llactapi causaccunapac juchacunata apangapacmi chuscu chunga punzhacunata siriringui. Israelcuna juchallishca cada huatamantami shuc punzhata llaquita apana cangui.

DANIEL 9:24

Israelcunapacpish, Diospac acllashcacunapacpishmi canchis chunga semanacunata chicanyachishca tiyacun. Chai semanacunapimi mana cazunatapish, juchata ruhuanatapish saquinga. Shinallatac chai semanacunallapitacmi mana allita ruhuashcatapish pichanga, huiñaita cashcata ruhuanga. Muscuipi shina ricushcatapish, Dios huillachishcatapish sellanga. Shinallatac Diospac caccunata aceitehuan cahuishpa ashtahuan Diospacllata ruhuanga.

OSEAS 9:12

Huahuacuna huiñacpipish, paicunapuramanta anchuchishami. Paicuna ñucamanta anchurishpaca, ¡imachari tucunga!

LEVÍTICO 20:19

Cambac mamapac ñañahuan, taitapac panihuan ama chayaringuichu. Chashna familiapura chayarishpa mancharina pingaita ruhuashcamantaca ishcaitacmi chai juchamanta llaquichishca canga.

ZACARÍAS 11:10

Chaimantami ñuca tucui llactacunapi causaccunahuan ari nishcata paquingapac, chai Cuyai shuti taunata paquircani.

NÚMEROS 13:25

Chuscu chunga punzhapimi Canaán llactata ricungapac riccunaca cutimurca.

NÚMEROS 18:23

Levitacunallami ñucahuan tupana huasipica servinga. Israelcuna chai ucuman yaicushpa juchallicpica, paicunami juchanchishca canga. Caica cambac huahua huahuacunamanmi huiñaita quillcashpa mandashca canga. Levitacunaca israelcunapurapica ima allpata mana japingachu.

NÚMEROS 32:13

Mandac Diosca israelcunahuan nina japiric shina piñarishpami chuscu chunga huatata shitashca pambapi saquirca. Chashnami tucui mana allita ruhuac paicunapac huahua huahuacuna huañungacaman carca.

HECHOS 13:18

Chashnami shitashca pambapi chuscu chunga huatata paicuna mana allicunata ruhuacpipish, Diosca mana saquirca.

DEUTERONOMIO 2:7

Mandac Diosca cancuna imata ruhuacpipish bendiciashcami. Cai shitashca pambata ricucpica, paimi tucuipi cuidarca. Mandac Diosca chuscu chunga huatatami cancunahuan cashca. Cancunamanca imapish mana illashcachu.

HEBREOS 4:1

Chaimanta samarinapi Dios yaicuchisha nicucpirac huacaichiringuichic. Pacta cancunapuramanta maijan mana yaicui pudishpa saquiringuichicman.

JOSUÉ 14:10

Riqui, cunanca Mandac Diosmi pai nishca shinallatac cunancaman causaita cushca. Shitashca pambapi israelcuna puricui punzhacunapi Mandac Diosca Moisesta chashna nishca punzhamanta cunancamanca chuscu chunga pichca huatacunami tucushca. Riqui, cunanca pusac chunga pichca huatatami charini.

APOCALIPSIS 11:3

Chai punzhacunapica ishcai huillaccunatami sharpa churanata churarishpa huaranga ishcai pasac sucta chunga punzhacunata ñucamanta huillachun mandasha» nirca.

1 SAMUEL 2:30

Chaimantami israelcunata Mandac Diosca: “Cambac huasi ucupurapish, cambac taitacunapac huasi ucupurapish huiñaitami ñuca ñaupapi causangacuna” ninmi. Ashtahuanpish Mandac Diosca: “¡Manatac chashna cachun saquishachu! Ñucata alli niccunataca alli nishami, ñucata mana alli niccunataca mana alli nishachu.