NÚMEROS 14:22 - Dios Rimashcata Quillcashcami

²² Ñuca poderhuan ricuchishcacunata ricuccunapish, Egipto llactapi, cai shitashca pambapi ruhuashcata ricuccunapish, ñuca nishcata mana cazushpa, chunga cutincaman pandachisha niccunapish

NÚMEROS 14:22 Iomraidhean Croise

GÉNESIS 31:41

Chashnami ishcai chunga huatata cambac huasipi carcani. Cambac ishcai ushimantaca chunga chuscu huatatami servircani. Animalcunamantaca sucta huatatami servircani. Chunga cutinmi umashpa mana pagarcangui.

GÉNESIS 31:7

Ashtahuanpish paica ñucaman pagashpapish chunga cutincamanmi umashca. Shina cacpipish, pai ima millaita ruhuachunca, Diosca mana saquishcachu.

JOB 19:3

Ñucataca chunga cutinmi rimaringuichic. Ñucata mana alli nishpa rimarinataca, ¿manachu pinganayan?

SALMOS 106:14

Paicunaca shitashca pambapimi, paicuna munashcata ruhuarcacuna. Dios imata ruhuacta ricungapacmi, caita chaita ruhuachun nircacuna.

SALMOS 106:26

Chaimantami Mandac Diosca shitashca pambapi llaquichingapac maquita alzarca.

SALMOS 78:41

Dios ima shina cashcata ricungapacmi tauca cutin mañashpa, israelcunapac jucha illac Diostaca llaquichircacuna.

ÉXODO 14:11

Moisestaca: —Cai shitashca pambapi ñucanchic huañungapacca, ¿manachu Egiptopi panteonca tiyarca? ¿Caita ruhuangapacchu Egiptomanta llucchimurcangui?

ÉXODO 15:24

Chaimantami israelcuna piñarishpa, Moisestaca: —¿Ima yacutatac ubiashun?— nishpa rimarirca.

ÉXODO 16:2

Tucui tandanacushca israelcuna shitashca pambapi cashpaca Moisestapish, Aarontapish piñashpa rimarircacunami.

ÉXODO 17:2

Chaimanta israelcunaca Moisesta rimarishpaca: —¡Ñucanchicman yacuta ubiangapac cui!— nirca. Shina nicpimi Moisesca: —¿Ima nishpatac ñucahuanca piñaringuichicyari? ¿Mandac Dios ñucanchic-huan cashcata, mana cashcatachu ricusha ninguichic?— nirca.

ÉXODO 17:3

Israelcunaca yacunayaihuan cashpa, Moisesta rimashpaca: —Ñucanchicpish, huahuacunapish, animalcunapish yacunayaihuan huañuchunca, ¿imapactac Egiptomanta llucchimurcangui?— nirca.

ÉXODO 17:7

Chaipi israelcuna piñarishcamantami chai pambataca «Masata» shutichirca. Shinallatac Mandac Diosta rimashpa: «¿Mandac Diosca ñucanchic-huanchu? ¿Manachu ñucanchic-huan?» nishcamantami “Meribata” shutichirca.

ÉXODO 32:1

Moisés urcumanta mana utca shamucpimi, israelcuna Aaronpacman cuchuyashpaca: —Egiptomanta llucchicmuc Moisesca, imachari tucurca. Mana yachanchicchu. Jatari, ñucanchicta pushachun, shuc diosta ruhuai— nirca.

ÉXODO 5:21

Shina tupashpaca: —Cancunallatacmi ñucanchictaca Faraonpac ñaupapi millanata ruhuashcanguichic. Cancunallatacmi ñucanchicta huañuchichun, espadata paicunapac maquipi churac shina ruhuashcanguichic. Chaita ruhuashcamantaca Mandac Diosllatac ricushpa taripashpa llaquichichun— nirca.

ISAÍAS 42:20

Paicuna imata ricushpapish mana yuyarinchu. Ringrita charishpapish mana uyancunachu.

DANIEL 1:20

Tucui alli yachacushcata, alli yuyaiyuc cashcata jatun mandac yachashpaca, pai mandacuc llactapi tiyac tucui yachaccunatapish, lucerota ricushpa yachacuccunatapish chunga cutinhuan yalli yachac cashcatami ricurca.

MALAQUÍAS 3:15

Cunanca, jatun tucushpa puriccunaracmi cushilla causacun. Mana allita ruhuashpa causaccunaracmi sumacta causan. Shinallatac Mandac Diosta mana cazuccunapish sumactami causan” nircanguichicmi» ninmi.

NÚMEROS 11:1

Shuc punzhami israelcunaca yarcaihuan cashpa, Mandac Diosta rimarirca. Chaita uyashpami Mandac Diosca nina japiric shina piñarishpa, israelcuna causana carpa huasi muyundita rupachirca.

NÚMEROS 11:4

Israelcunahuanca micunallata munac tucuilaya gentecunami chapurishca carca. Chai gentecunapac yuyaita japishpami israelcunaca: «¿Pitac aichata cungayari?

NÚMEROS 12:1

Moisés Cus llactata huarmihuan cazarashcamantami Mariapish, Aaronpish juchanchishpa rimarirca.

NÚMEROS 14:11

Chaipimi Mandac Diosca Moisestaca: —¿Maicamantac cai gentecunaca piñachishpa catigrin? Paicunapac ñaupallapitac ricuchinacunata ruhuashpa ricuchicucpipish, ¿manachu crincuna?

NÚMEROS 14:2

Israelcuna Moisestapish, Aarontapish rimashpaca: «¡Egipto llactallapitac huañushca cashpachari alli canchicman carca! ¡Mana cashpaca cai shitashca pambapi huañushpachari alli canchicman!

NÚMEROS 32:12

Llactata ricungapac riccunapuramantaca cenezeopuramanta Jefonepac churi Caleb, Nunpac churi Josuellami Mandac Diostaca tucui shunguhuan catirca. Paicunami chai llactamanca yaicunga” nirca.

SAN MATEO 4:7

Chashna nicpimi Jesusca: —Dios quillcachishcapica: “Canta Mandac Diosta ama pandachisha nichun” ninmi— nirca.

1 CORINTIOS 10:5

Chashna cashpapish achcacunami Diospac ñaupapica mana alli carcacuna. Chaimantami chai shitashca pamballapitac huañurcacuna.

1 CORINTIOS 10:9

Paicunapuramanta maijancuna shina, Mandac Diosta mana pandachisha ninachu canchic. Chashna ruhuashpami, paicunaca culebra canishca huañurcacuna.

DEUTERONOMIO 9:7

Shitashca pambapi cashpa, Mandac Diosta piñachishcataca yuyarichicyari. Ama cungaringuichicchu. Egipto llactamanta llucshishcamanta caiman chayamungacamanmi Mandac Diostaca llaquichircanguichic.

HEBREOS 3:9

Chaipimi cancunapac ñaupa taitacunaca, chuscu chunga huatata ñuca ima ruhuashcata ricushpapish, cutin ricushun nishpa piñachircacuna.