NÚMEROS 13:33 - Dios Rimashcata Quillcashcami

³³ Chashnallatac Anacpac manchana jatun churicunatapish ricurcanchicmi. Paicunaca yalli jatuncunami. Paicunahuan chimbapuracpica, ñucanchicca shuc curu shinallami carcanchic. Paicunapish ñucanchictaca chashnallatacmi ricurca— nirca.

NÚMEROS 13:33 Iomraidhean Croise

GÉNESIS 6:4

Diospac churicuna cai pachaman shamushpa, runacunapac ushicunahuan cazarai punzhacunaca manchana yalli jatun runacunami tiyarca. Shinallatac quipamanpish tiyarcami. Paicunami runacunapac ushicunapi chayarishpa, huahuacunata charirca. Chai huahuacunami ñaupa punzhamanta pacha sinchi runacuna nishca carca.

1 CRÓNICAS 11:23

Paillatacmi egipciopuramanta shuc jatun runatapish huañuchirca. Chai runaca ishcai metro ishcai chunga pichca centímetro jatunmi carca. Paica telar pilluna caspi shina racu lanzatami charicurca. Shina cacpipish, Benaiasca shuc caspillahuan llucshishpami lanzata quichushpa, chaillahuantac huañuchirca.

ISAÍAS 40:22

Diosca cai pacha tucui muyundipimi tiyacun. Chaipi causaccunaca langosta curucuna shinami. Paimi jahua pachataca pañota tendic shina, carpa huasita shayachic shina ruhuarca.

NÚMEROS 13:22

Neguevta huichai rishpaca, Anacpac huahua huahua Ahimán, Sesai, Talmai causana Hebronmanmi chayarca. Hebronca Egiptopi cac Zoán llacta manarac tiyacpi, canchis huata ñaupaman ñami tiyashca.

NÚMEROS 13:28

Shina cacpipish, chai llactapi causaccunaca sinchi runacunami. Chai llacta huasicunapish jatun huasicunami, muyundita pircashcami can. Anacpac huahua huahuacunami chaipica causac cashca.

NÚMEROS 14:1

Chai tutaca tucui israelcunami tandanacushpa caparishpa huacarca.

DEUTERONOMIO 1:28

¿Maimantac rishun? Ñucanchic huauquicunaca: ‘Chai llactapica ñucanchicta atishpa ashtahuan achca, ashtahuan jatun gentecunami tiyan. Llactacunapish muyundita alto jarcashca, shinallatac Anac runapac huahua huahuacunatami chaipica ricumunchic nishpami manchachirca’ ninmi” nircanguichic.

DEUTERONOMIO 2:10

(Chai llactapica emitacunami utcapica causac carca. Chai gentecunaca Anacpac churicuna shinami yalli jatun carca.

DEUTERONOMIO 3:11

Manchana jatun gentecunamantaca Basanta mandac Ogllami saquirirca. Paipac camaca fierromi carca. ¿Chai camaca manachu Amón llactapi tiyac Rabá llactapi tiyacun? Chai camaca chuscu metro largo, shuc metro pusac chunga centímetro anchomi carca.

DEUTERONOMIO 9:2

Chai llactacunapica Anacpac churi manchaipac jatun gentecunami causan. Paicunamanta maijancuna: “Anacpac churicunahuanca, ¿pitac macanacungapac shayari pudingayari?” nishcataca cancunallatacmi uyashcanguichic.

JOSUÉ 11:21

Chai punzhallatami Josueca Hebrón, Debir, Anab, Judá aillucunapac, tucui Israel urcucunapi causac anaquitacunata tucui huañuchirca. Josueca tucui chai pueblocunandimi tucuchirca.

JOSUÉ 14:12

Chai punzhapi Mandac Dios nishca shinallatac chai urcucunataca ñucaman cuiyari. Chai punzhacunapica canllatacmi chai llactapi anaquitacuna causashcata, pueblocunapish muyundi pircashca cashcata, jatun pueblocuna cashcatapish uyarcangui. ¡Shina cacpipish, Mandac Dios nishca shina, pai ñucahuan cashcamantaca chai runacunataca chai pueblocunamanta llucchishpa cachashallami!— nirca.

JOSUÉ 15:14

Calebmi Anacpac churi Sesai, Ahimán, Talmai quimsa churicunata chai llactamanta llucchishpa cacharca.

1 SAMUEL 17:24

Tucui israelcunami chai runata ricushpaca, yallita mancharishpa paipac ñaupamanta miticungapac callparca.

1 SAMUEL 17:42

Chai filisteo Davidta ricushpaca, uchilla huambrarac cashcamantami yangapi churarca. Chai huambraca puca accha alaja ñahui huambrami carca.