NÚMEROS 13:32 - Dios Rimashcata Quillcashcami

³² Chai runacunaca chai llactata mana alli nishpami israelcunataca: —Ñucanchic ricungapac rishca llactaca yarcaihuan huañuna allpami cashca. Chaipi causaccunapish yalli jatun gentecunami.

NÚMEROS 13:32 Iomraidhean Croise

2 SAMUEL 21:20

Chai quipaca cutinllatacmi Gat pueblopi macanacui callarirca. Chaipimi cada maquipi sucta dedota, cada chaquipi sucta dedota charic manchana jatun runa tiyarca. Tucuica ishcai chunga chuscu dedotami charirca. Chai runapish manchana runacunapuramantami carca.

1 CRÓNICAS 20:6

Cutinllatacmi Gat pueblopi macanacui tiyarca. Chaipica manchana maquicunapipish, chaquicunapipish sucta dedota charic jatun runami tiyarca. Tucuica ishcai chunga chuscu dedotami charirca. Chaipish manchana jatun runacunapac huahua huahuapurami carca.

SALMOS 106:24

Ashtahuanpish Dios cushami nishcata mana crishpami, sumac llactaman mana rishun nircacuna.

EZEQUIEL 36:12

Ucucunapica ñuca acllashca israelcunatami purichisha. Israel urcucunaca cancunaman cushcami canga. Huahuacunatapish ña mana cutin huañuchinguichu.

AMÓS 2:10

Ñucami cancunataca Egiptomanta llucchishpa, amorreocuna causana llactata cungapac, shitashca pambata chuscu chunga huatacunata pushamurcani.

AMÓS 2:9

Ñucami amorreocunataca paicunapac ñaupapi tucuchircani. Paicunaca cedro yura shina jatun, encina yura shina sinchimi carca. Shuc yurata pucushcandi, sapindi tucuchic shinami, paicunataca tucuchircani.

NÚMEROS 13:28

Shina cacpipish, chai llactapi causaccunaca sinchi runacunami. Chai llacta huasicunapish jatun huasicunami, muyundita pircashcami can. Anacpac huahua huahuacunami chaipica causac cashca.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

DEUTERONOMIO 1:28

¿Maimantac rishun? Ñucanchic huauquicunaca: ‘Chai llactapica ñucanchicta atishpa ashtahuan achca, ashtahuan jatun gentecunami tiyan. Llactacunapish muyundita alto jarcashca, shinallatac Anac runapac huahua huahuacunatami chaipica ricumunchic nishpami manchachirca’ ninmi” nircanguichic.