NÚMEROS 13:23 - Dios Rimashcata Quillcashcami

²³ Chaimantaca Escol yacu huaicu pambacamanmi chayarca. Chaimantami ramandi uvasta pitishpa, shuc caspipi huandushpa apamurca. Shinallatac granadacunatapish, higocunatapish apamurcami.

NÚMEROS 13:23 Iomraidhean Croise

GÉNESIS 14:13

Chai macanacuimanta miticushpa shamuc shuc runami Lotta prezushcata hebreopuramanta Abramman huillac shamurca. Abramca amorreopuramanta Mamrepac encina yuracuna tiyac pambapimi causarca. Mamreca Escolpac, Anerpac huauquimi carca. Paicunaca Abrampac yuyaitami charirca.

NÚMEROS 13:24

Chai yacu pambataca israelcuna uvasta pitimushcamantami Escol nishpa shutichirca.

NÚMEROS 32:9

Paicunaca Escol yacuman chayashpami chai llacta imalaya cashcata ricurca. Paicuna cutimushpaca, Mandac Dios cushca llactaman israelcuna ama yaicuchunmi mana alli yuyaita cushpa jarcarca.

DEUTERONOMIO 8:8

Trigopish, cebadapish, uvaspish, higopish, granopish tiyac, sumac aceiteta cuc olivospish tiyac, sumac mishquicunapish tiyac llactatami cunga.

JUECES 16:4

Chai quipaca Sansonca Sorec pambapi causac Dalilatami cuyarca.