NÚMEROS 12:6 - Dios Rimashcata Quillcashcami

⁶ Mandac Diosca: «Cunanca, ñuca rimashcata uyaichic. Cancunapuramanta maijan shuc ñucamanta huillac tiyacpica, muscuipi shina ricurishpami parlasha.

NÚMEROS 12:6 Iomraidhean Croise

GÉNESIS 15:1

Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.

GÉNESIS 20:7

Cunanca, cai huarmita paipac cusaman cutichi. Paica ñuca ima nishcata huillacmi. Paica can ama huañuchunmi, ñucata mañanga. Cai huarmita mana cutichishpaca, canpish, canhuan causaccunapish huañunguichictacmi» nirca.

GÉNESIS 28:12

Shina sueñucushpami, pambamanta jahua pachacaman shuc escalera shayacucta muscurca. Chai escalerataca Diospac angelcunami huichicucurca, shinallatac uricucurcapish.

GÉNESIS 28:16

Jacobo riccharishpaca: «¡Mandac Diosca caipipish cashcamari! ¡Chaitaca mana yacharcanichu!» nishpami yuyarirca.

GÉNESIS 37:5

Joseca shuc muscuita muscushpami, paipac huauquicunaman parlarca. Chashna parlacpicarin, ashtahuanmi mana ricunayachirca.

GÉNESIS 37:9

Joseca cutinllatac shuc muscuita mushcushpa, paipac huauquicunaman parlashpaca: —Cutinmi shuc muscuipica caita ricurcani: Intipish, quillapish, chunga shuc lucerocunapish ñucapac ñaupapimi cumurirca— nirca.

GÉNESIS 46:2

Chaipimi Diosca Israelman tuta muscuipi shina ricurishpaca: —Jacobo, Jacobo— nirca. Shina nicpimi Jacoboca: —Caipimi cani— nirca.

2 SAMUEL 7:4

Mandac Dios chai tuta Natanta cayashpaca:

1 REYES 3:15

Salomón riccharishpaca, muscuilla cashcatami yuyarca. Chaimantami Jerusalenman cutishpa, Mandac Dios ari nishcata huacaichina Arca ñaupapi Diosman animalcunata cushpa, huañuchishpa tucui rupachirca. Dios-huan alli cangapacpish animalta cushpa huañuchircami. Chai quipaca jatun micuita ruhuashpami tucui paita serviccunaman cararca.

1 REYES 3:5

Shuc tutami Mandac Diosca pai Gabaonpi cacpi, Salomonman muscuipi ricurishpaca: —Imata, ñuca canman cuchun munashpaca mañailla— nirca.

JOB 33:15

Runacunamanca muscuipipish, muscuipi shina tuta ricurishpami riman. Runataca huañui sueñuhuan camapi sueñucucpimi riman.

JOB 4:13

Tuta ima yuyaicunapish yallita shamucpi, tuta runacuna yallita sueñunayachishpa sueñucucpi, shinami uyarcani.

SALMOS 105:15

Paica: «¡Aceitehuan cahuishca ñuca mandaccunapica ama tuparinguichicchu! ¡Ñucamanta huillaccunataca, ama llaquichinguichicchu!» nirca.

SALMOS 89:19

Cambaclla runacunaman muscuipi shina ricurishpaca: «Shuc sinchi runatami ayudarcani. Ñuca acllashcapuramantami shuc runata jatunyachircani.

ÉXODO 7:1

Chaimantami Mandac Diosca Moisestaca: —Riqui, cantaca ñucapac randi Faraonhuan parlachunmi churani. Cutin cambac huauqui Aaronca canmanta huillacmi canga.

JEREMÍAS 23:25

Ñucaca chai huillaccunataca: “Muscurcanimi, muscurcanimi” nishpa llullashpa ñuca shutipi huillacuctami uyarcani.

JEREMÍAS 23:28

Huillac runaca pai muscushcata parlachun. Ñuca rimashcata chasquicca mana llullashpa huillachun. Cupahuan trigohuanca mana chashnallatacchu.

EZEQUIEL 1:1

Quimsa chunga huata, chuscu quilla, pichca punzha cacpimi ñucaca prezu rishcacunahuan Quebar yacu patapi carcani. Chaipi cashpami, jahua pacha pascaricpi, Dios ricuchishcata muscuipi shina ricurcani.

DANIEL 10:8

Shina ricpimi, ñucalla saquirishpa chai mancharinata muscuipi shina ricurcani. Chaipica fuerza illac saquirishpami, yallita irquiyashpa ñahuipish quilluyashca carcani.

DANIEL 2:19

Chashna huillacpimi, pi mana huillai pudishcata Danielman tuta muscuipi shina ricuchirca. Chaimantami Danielca jahua pacha Diosta alli nishpaca:

DANIEL 7:1

Jatun mandac Belsasar Babilonia llactata mandai callari huatami Danielca camapi sueñucushpa, shuc muscuita muscurca. Paipac yuyaipish muscuipi shinami imacunata ricurca. Chaimanta riccharishpami, maijan yuyaicunallata quillcarca.

DANIEL 8:2

Chaitaca Elam llactapi tiyac jatun llacta Susapi cashpami ricurcani. Shinallatac Ulai yacu ladopi cashpami, chashna muscuipi shina ricurcani.

OSEAS 12:11

Galaad llactapi causaccunaca ruhuashcalla dioscunata alli nishpami causan. Gilgal llactapica huagracunata chai dioscunaman cushpami huañuchirca. Paicunapac altarcunaca yapushca pambapi rumita montón shinami canga» ninmi.

JOEL 3:1

Mandac Diosca: «Chai punzhacunapi, chai huatacunapica, Judá llactamanta, Jerusalenmanta prezu apashcacunata

ZACARÍAS 1:8

Tutami shuc runa puca caballopi montashca pugru pambapi tiyac arrayán yuracuna chaupipi shayacucta ricurcani. Chai montashcapac huashapica puca, bayu, yurac caballocunami shayacurca.

NÚMEROS 24:4

Dios rimashcata uyac, Imatapish ruhuac Dios muscuipi ricuchishcata ricucuc, urmashpapish mana urmac runami:

SAN MATEO 1:20

Pai chaita yuyacucpi, Dios cachashca ángel muscuipi ricurishpaca: «Davidpac huahua huahuapura José, Mariahuanca cazarailla, ama manchaichu. Mariaca Diospac Espiritumantami huicsayuc tucushca.

SAN MATEO 2:19

Herodes huañushca quipa, Mandac Diospac ángel Egiptopi Joseman muscuipi ricurishpaca.

SAN MATEO 23:31

Chashna nishpaca, cancunallatacmi Dios ima nishcata huillaccunata huañuchiccunapac huahuacuna cashcataca ricuchicunguichic.

SAN MATEO 23:34

Chaimantami Dios ima nishcata huillaccunatapish, alli yachaccunatapish, yachachiccunatapish cachagrini. Paicunamanta maijantaca chacatashpa huañuchinguichicmi. Maijancunataca tandanacuna huasicunapimi macanguichic, shinallatac pueblo pueblotami llaquichishpa puringuichic.

SAN MATEO 23:37

¡Jerusalén, Jerusalén! ¡Canmi Dios ima nishcata huillaccunata huañuchingui! Dios huillachun cachashcacunatapish rumihuanmi shitangui. Tauca cutinmi mama huallpa chuchicunata ucllac shina, tandachisha nircani. Chashna tandachisha nicucpipish, mana uyarcanguichu.

SAN MATEO 27:19

Pilato, pai mandanapi tiyacucpimi, paipac huarmica: —Chai allita ruhuac runamantaca, shuc mancharinatami tutaca muscurcani. Paitaca ama imata ruhuanguichu— nichun cacharca.

SAN LUCAS 1:11

Mandac Dios cachashca angelmi altar alli ladopi shayacuc Zacariasman ricurirca.

SAN LUCAS 1:22

Zacarías llucshishpaca, imata mana rimai pudishpami, ima tucushcataca señallahuan huillarca. Chaimantami canzhapi cac gentecunaca “Diospaclla chicanyachishca ucupimi imata ricushca canga” nishpa yuyarca.

SAN LUCAS 20:6

Cutin: “Runacunallami cachashca” nicpica, gentecuna ñucanchicta rumicunahuan shitashpa huañuchingami. Chaica, tucui gentecunami Juantaca “Dios ima nishcata huillacmi” nincuna— ninacurca.

HECHOS 10:11

jahua pacha pascarictapish, shuc jatun lienzo chuscu puntapi huatashca, pai tiyacucman urai shamucuctapish ricurca.

HECHOS 10:17

Chaita Pedro ricushpa, mancharishpa shayacucpimi, Cornelio cachashca runacunaca tapushpa, tapushpa Simonpac huasiman cungailla chayarca.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

DEUTERONOMIO 18:15

Mandac Diosca cancunapuramantami ñuca shina shuc huillacta acllanga. Paita cazunguichic.

DEUTERONOMIO 18:18

Cancunapac huauquipuramanta can shina ñucamanta huillacta cachashami. Paipac shimipi ñuca rimaicunata churacpimi, paica tucuita huillanga.

HEBREOS 1:1

Diosca tauca cutinmi ñaupa huatacunapica ñucanchic taitacunaman pai ima nishcata huillaccunata huillachirca.

APOCALIPSIS 11:10

Dios ima nishcata huillac chai ishcaicunaca yallitami cai pachapi causaccunataca llaquichishca carca. Chaimantami chai ishcai huañushcata ricushpaca, yallita cushicushpa, caishuc chaishuc imatapish caranacunga.

APOCALIPSIS 11:3

Chai punzhacunapica ishcai huillaccunatami sharpa churanata churarishpa huaranga ishcai pasac sucta chunga punzhacunata ñucamanta huillachun mandasha» nirca.

1 SAMUEL 28:6

Chaimantami Saulca Mandac Diosta tapurca. Shina tapucpipish, Mandac Diosca muscuipipish, Urim nishcapi suerteta ruhuacpipish, Dios ima nishcata huillaccunamanpish, imata mana nircachu.

1 SAMUEL 3:15

Samuelca cayandi tutamantacamanmi sueñucurca. Ña jatarishpaca, Mandac Diospac huasi pungucunatami pascarca. Shina cashpapish muscuipi ricushcata Eliman parlanataca mancharcami.

1 SAMUEL 3:21

Mandac Diosca cutinllatacmi, Silo pueblopi ricurirca. Mandac Diosca Silo pueblopimi Samuelman paipac rimashca shimitaca huillac carca.