NÚMEROS 12:13 - Dios Rimashcata Quillcashcami

¹³ Shina nicpimi Moisesca: «¡Mandac Dioslla, Mariataca cunanllatac allichiyari!» nishpa caparishpa mañarca.

NÚMEROS 12:13 Iomraidhean Croise

GÉNESIS 20:17

Chaimantami Abrahamca Abimelecmantapish, paipac huarmimantapish, paita servic huarmicunamantapish Diosta mañarca. Chashna mañacpica alliyarcami, shinallatac huarmicunaca cutinllatac huahuacunayuc tucurcami.

1 REYES 13:6

Chaimantami jatun mandacca Diospaclla runataca: —Ñuca maqui alli tucuchun, canta Mandac Diosta ñucamanta mañai— nirca. Shina nicpimi, Diospaclla runaca Mandac Diosta mañarca. Shina mañacpimi, jatun mandacpac maquica alli tucushpa, utcapi cashca shinallatac saquirirca.

SALMOS 30:2

Mandac Dioslla, ñuca caparishpa canta mañacpica, huañugricucpipish alliyachircanguimi.

SALMOS 41:4

Ñucaca: «Mandac Dioslla, canta llaquichishpami juchata ruhuashcani. Ñucata llaquishpa, ñuca almata allichiyari» nircani.

ÉXODO 15:26

Chaimantami paica: —Cancunapac Mandac Dios ñuca nishcata alli uyashpa, ñucapac ñaupapi imatapish cashcata ruhuashpa, mandashcacunata tucui shunguhuan uyashpa, tucuita ruhuacpica, Egiptoman cachashca shina ungüitaca cancunapacmanca manatac cachashachu. Ñucaca cancunata jambic Mandac Diosmi cani— nirca.

ÉXODO 4:7

Chaimantami Mandac Diosca: —Maquita quinzhupi cutin sati— nirca. Paica cutinllatacmi quinzhupi satirca. Maquita quinzhumanta llucchicpica, mana ima tucushca, alli maquimi llucshirca.

ISAÍAS 30:26

Mandac Dios pai acllashcacunata huatachishpa jambicui punzhapica, quillaca inti shinami achicyachinga. Cutin intica canchis cutin yallitami achicyachinga.

JEREMÍAS 17:14

Mandac Dioslla, ñuca alli nina Diosmi cangui. Ñucata jambiyari. Can jambicpica, alli tucushatacmi. Quishpichiyari. Can quishpichicpica, quishpirishatacmi.

NÚMEROS 11:2

Chaimantami israelcunaca Moisesta caparishpa mañarca. Shina mañacpi, Moisés paicunamanta Mandac Diosta mañacpica, ninaca huañurcami.

NÚMEROS 12:12

Mariataca ama huañushca huacharishca shina, chaupi cuerpo ismushcata ruhuaichu» nirca.

NÚMEROS 14:2

Israelcuna Moisestapish, Aarontapish rimashpaca: «¡Egipto llactallapitac huañushca cashpachari alli canchicman carca! ¡Mana cashpaca cai shitashca pambapi huañushpachari alli canchicman!

NÚMEROS 16:41

Cayandi punzhaca tucui israelcuna Moisestapish, Aarontapish rimashpaca: «Cancunaca Mandac Dios acllashca gentecunatami huañuchircanguichic» nishpa rimarirca.

SAN LUCAS 23:34

Chashna chacatacpipish Jesusca: —Ñuca Taitalla, cai gentecunaca ima ruhuacushcata mana yachanchu. Chaimanta perdonai— nirca. Cutin Jesuspac churanacunata suerteta ruhuashpami chaupinacurca.

SAN LUCAS 6:28

Cancunata sinchita rimacpica, sumac rimaicunahuan cutichichic. Cancunata camiccunamanta Diosta mañanaichic.

HECHOS 7:60

Esteban cungurishpaca: «¡Apunchic Jesús, paicuna cai mana allita ruhuashcamanta ama juchanchinguichu!» nishpami caparirca. Chashna nishpaca huañurcallami.

ROMANOS 12:21

Ama millai ruhuana yuyaicuna mishachun saquichicchu. Chaipac randica, allita ruhuashpa millaita mishai.

SANTIAGO 5:15

Allichina cashcata crishpa mañacpica, chai ungushcataca Apunchic Jesusca alliyachishpa jatarichingami, shinallatac juchacunatapish perdonangami.

1 SAMUEL 12:23

Ñucamanta nishpaca, cancunamanta Mandac Diosta mañanata saquishpa juchallichunca Dios ama munachun. Ashtahuanpish cancunataca allita purichun, sumacta causachun yachachishallami.

1 SAMUEL 15:11

—Saulta jatun mandac cachun churashcamantaca yallitami llaquirini. Paica ñucamanta anchurishpami ñuca mandashcataca mana pactachirca— nirca. Shina nicpimi, Samuelca yallita llaquirishpa Mandac Diostaca tucui tuta mañarca.