NÚMEROS 11:12 - Dios Rimashcata Quillcashcami

¹² Ñaupa taitacunaman cusha nishca llactaman chayangacamanmi chuchucuc huahuacunata shina apachun ningui. Ñucaca paicunapacca, ¿taita mamachu cani?

NÚMEROS 11:12 Iomraidhean Croise

GÉNESIS 13:15

Tucui can ricushca allpataca tucui causaipacmi canmanpish, cambac huahua huahuacunamanpish cusha.

GÉNESIS 24:7

Ñuca taitapacmanta, ñuca aillucuna causana allpamanta llucchic jahua pachapi causac Mandac Diosca: “Canmanpish, cambac huahua huahuacunamanpish cai allpata cushami” nishpa, paipac shutipi ari nirca. Paillatac paipac angelta cambac ñaupata cachacpimi, chai llactamanta huarmita ñuca churiman pushamungui.

GÉNESIS 26:3

Chaipi causacpimi, ñucaca canhuan casha. Tucui chai allpata canmanpish, cambac huahua huahuacunamanpish cushpami bendiciasha. Chashnami, cambac taita Abrahamman cusha nishcataca pactachisha.

GÉNESIS 50:24

Chai quipaca Joseca paipac huauquicunataca: —Ñucaca ñallami huañusha. Shina cacpipish, Dios shamushpami, cai llactamanta llucchishpa Abrahamman, Isaacman, Jacoboman cungapac ari nishca allpaman pushanga— nirca.

2 REYES 10:1

Acabca Samaria pueblopica canchis chunga churitami charirca. Chaimantami Jehuca Jezreel pueblota mandaccunaman, pushac yuyaccunaman, Acabpac churicunata yachachiccunaman quillcashpa, Samaria puebloman cacharca. Chai quillcapica:

2 REYES 10:5

Chaimantami mayordomopish, chai pueblota mandacpish, pushac yuyaccunapish, Acabpac churicunata yachachiccunapish Jehupacman cachashpaca: «Ñucanchicca canta serviccunami canchic. Chaimanta can imata mandashcatami ruhuashun. Pitapish jatun mandac cachunca mana churashunchu. Cambac ima alli cana cacpica ruhuailla» nichunmi cacharca.

ÉXODO 13:11

Mandac Dios cancunamanpish, cancunapac taitacunamanpish cusha nishca cananeocunapac allpaman pushacpi, chaipi cashpaca,

ÉXODO 13:5

Mandac Dios cancunapac taitacunaman cushami nishca cananeocunapac, heteocunapac, amorreocunapac, heveocunapac, jebuseocunapac allpaman paillatac apacpica, chai punzhata yuyarishpa, levadura illac tandata micunguichic. Chai llactapica lechepish, mishquipish yacu shinami callpacun.

ÉXODO 33:1

Mandac Diosca Moisestaca: —Egipto llactamanta llucchishca israelcunata ñuca cusha nishca llactaman pushai. Chai llactata cungapacmi Abrahamman, Isaacman, Jacobomanca: “Chai llactataca cancunapac huahua huahuacunamanmi cusha” nishpa, ari nircani.

ÉXODO 6:8

Abrahammanpish, Isaacmanpish, Jacobomanpish cungapac, ñuca maquita alzashpa ari nishca llactamanmi cancunataca pushasha. Ñucaca Mandac Diosmi cani” ningui— nirca.

ISAÍAS 40:11

Shuc michic shinami, paipac ovejacunataca michinga. Huahua ovejacunataca rigra jahuapimi apanga. Cunanlla huachashca ovejacunataca alli cuidashpami huiñachinga.

ISAÍAS 49:15

Chaimantami Mandac Diosca: «¿Shuc mamaca paipac huahuata cungaringachu? ¿Paipac huicsapi huiñashca huahuataca piñangachu? Chai mama cungaricpipish, ñucaca cantaca manatac cungarishachu.

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

EZEQUIEL 34:23

Paicunata michichunca, ñucata servic Davidtami churasha. Paillami michinga.

SAN JUAN 10:11

Ñucami alli michicca cani. Alli michicca, ovejacunamanta huañuna cacpipish huañungalla.

1 CORINTIOS 4:15

Cancunaca Cristomanta chunga huaranga yachachiccunata charishpapish, mana tauca taitacunatachu charinguichic. Alli huillaita ñuca huillacpi, cancuna Jesucristohuan shuc shinalla tucushcamantaca, ñucami cancunapac taita shina cani.

GÁLATAS 4:19

Cuyashca huahuacuna, cutinllatacmi shuc huarmi sajuarina nanaihuan llaquita apacuc shina, cancunamanta llaquita apacuni. Cancuna Cristo causashca shina causangacamanmi llaquita apacushalla.

DEUTERONOMIO 1:31

Shitashca pambapi imata ruhuashcatapish ricurcanguichicmi. Ñucanchicta Mandac Diosca shuc taita churita maquimanta aisashpa shamuc shinami, cancunataca tucui ñanpi cuidashpa, caicaman apamurca” nircani.

1 TESALONICENSES 2:7

Ñucanchic Jesuspac apostolcuna cashcamantaca, cancunata mandanchicmanmi carcanchic. Shina cashpapish cuyac shunguhuanmi cancunahuanca carcanchic. Shuc mama huahuacunata cuidashpa charic shinami cancunataca yallita cuyanchic.