NÚMEROS 10:21 - Dios Rimashcata Quillcashcami

²¹ Paicunapac huashataca Coatpac churicunami Dios-huan tupana huasi ucupi imalla tiyashcacunata apashpa rirca. Paicuna chayangacamanca ñami Dios-huan tupana huasitaca shayachishca carca.

NÚMEROS 10:21 Iomraidhean Croise

1 CRÓNICAS 15:2

Shina ruhuashpami Davidca: «Diospac Arcataca mana pipish apangachu, ashtahuanpish levitacunallami apanga. Mandac Diosmi paicunataca paipac Arcata apachunpish, tucui causaipi paita servichunpish acllashca» nirca.

1 CRÓNICAS 23:24

Paicunami, paicunapac ñaupa taita Levipac huahua huahuacunaca carca. Paicunaca ñaupa taitacunapac familiacunata pushaccunami carca. Paicuna mashna cashcata yachangapac shuticunata quillcashpa, shucllancaman yupashcami carca. Paicunataca ishcai chunga huatayucmanta huichaimanmi Diospac huasipi imata ruhuachun aparca.

NÚMEROS 1:51

Paicunami ñucahuan tupana huasita maiman apana cacpica pascanga. Maipi shayachina cacpica shayachinga. Chican gentecuna ñucahuan tupana huasiman chayashpaca huañungami.

NÚMEROS 10:17

Chai quipaca Gersonpac, Meraripac churicunami Dios-huan tupana huasi pascashcataca apashpa rirca.

NÚMEROS 10:20

Gad aillupac soldadocunataca Deuelpac churi Eliasafmi mandacurca.

NÚMEROS 2:17

Chai quipaca ñucahuan tupana huasitami levitacuna apashpa ringa. Ima shinami carpacunapi cashca shinallatacmi chai soldadocunaca quiquin banderahuan catinacushpa ringacuna.

NÚMEROS 4:20

Paicunaca ñucapaclla chicanyachishcataca mana ricunachu can. Chaita ricushpaca huañungami» nirca.

NÚMEROS 7:9

Ashtahuanpish Cohatpac churicunamanca imata mana curcachu, paicunaca Diospaclla chicanyachishcata huandushpami apaccuna carca.