NÚMEROS 10:10 - Dios Rimashcata Quillcashcami

¹⁰ Cushicuna punzhacunapipish, quilla callari punzhacunapipish, imata yuyarina punzhacunapipish ñucahuan alli tucungapac animalcunata huañuchishpa, ofrendata tucui rupachishpaca trompetacunapi tocanguichic. Shina ruhuacpimi, Mandac Dios ñucaca cancunata yuyarisha. Ñucami cancunata Mandac Dios cani» nirca.

NÚMEROS 10:10 Iomraidhean Croise

2 REYES 4:23

Shina nicpimi, paipac cusaca: —Cunanca, mana llullu quillapish, mana samana punzhapish canchu. ¿Imapactac paita ricungapac rigringui?— nirca. Shina nicpi, chai huarmica: —Chaimanta ama mancharichu— nirca.

1 CRÓNICAS 15:24

Sebanías, Josafat, Natanael, Amasai, Zacarías, Benaía, shinallatac Eliezer curacunaca Diospac Arca ñaupapimi trompetacunapi tocarcacuna. Shinallatac Obed-edom, Jehiaspish Diospac Arcata cuidaccunami carca.

1 CRÓNICAS 15:28

Chashnami Davidca Mandac Dios ari nishca quillcata huacaichina Arcataca tucui israelcunahuan yallita cushicushpa, cantashpa, bocinacunapi, trompetacunapi, platillocunapi salteriocunapi, sinchita tocashpa aparcacuna.

1 CRÓNICAS 16:42

Paicunahuanca Hemán, Jedutún runacunatami trompetapi, platillopi shuc tocanacunapipish tocashpa Diosta alli nichun saquirca. Jedutunpac churicunataca Diospac carpa huasi punguta cuidachunmi saquirca.

2 CRÓNICAS 29:26

Shinami levitacunaca David ruhuachishca tocanacunahuan, curacunaca trompetacunahuan shayacurca.

2 CRÓNICAS 29:28

Tucui tandanacushca gentecunaca Diosman animalta cushpa tucui rupachingacamanmi Diosta allimari cangui nircacuna. Cantaccunaca cantarcami, tocaccunaca trompetapi tocarcami.

2 CRÓNICAS 7:6

Curacunaca paicuna imatac ruhuanallapitacmi carcacuna. Levitacunapish, Mandac Diosta pagui ningapac jatun mandac David ruhuashca tocanacunapimi tocarcacuna. David allichishca cantota cantashpaca: «Diosca allimari, pai llaquishcaca huiñai huiñaipacmi» nishpami cantarcacuna. Curacunaca levitacunapac chimbapurapimi trompetacunapi tocarcacuna. Israelcunaca tucuimi shayacurcacuna.

ESDRAS 3:10

Mandac Diospac huasi ruhuaccuna callari rumicunata churai callaricpimi, curacunaca paicunapac churanata churarishpa, trompetapi tocai callarirca. Shinallatac levitacunapuramanta Asafpac huahua huahua levitacunatapish, israelcunata jatun mandac David mandashca shinallatacmi platillocunapi huactashpa, Mandac Diosta alli nicurca.

NEHEMÍAS 12:35

Curacunapac churicunaca trompetapi tocashpami rircacuna. Paicunaca: Zacariasca Jonatanpac churi, Jonatanca Semaiaspac churi, Semaiasca Mataniaspac churi, Mataniasca Micaiaspac churi, Micaiasca Zacurpac churi, Zacurca Asafpac churimi carca.

SALMOS 150:3

¡Cornetapi tocashpa alabaichicyari! ¡Salteriopi, arpapi tocashpa alabaichicyari!

SALMOS 81:3

Llullu quilla punzhacunapipish, entero quilla punzhacunapipish cornetapi tocaichic. Chai punzhacunaca yallita cushicuna punzhacunami.

SALMOS 81:4

Cai quillcashpa mandashcacunaca israelcuna pactachinami. Jacobopac Dios mandashcacunami.

SALMOS 89:15

¡Canta caparishpa cantaccunaca yallita cushicuchun! Mandac Dioslla, cambac ñahuihuan achicyachishcapimi puringacuna.

ÉXODO 28:29

Chashnami Aaronca ñucapaclla carpa huasimanca allita ricushpa, mandacucta ricuchic pectotalpi Israelpac huahuacunapac shuticunata pechopi churashpa yaicunga. Chashnami ñucapac ñaupapi punzhanta yuyaringapac apashca canga.

ÉXODO 30:16

Israelcuna paicunapac causaimanta cushca cullquita japishpaca, ñucahuan tupana huasipi ima illashcata ruhuangapac japingui. Cai cullquita cucpimi, israelcuna causaimanta Mandac Dios ñucapac ñaupapi animalcunata cucpica, paicunata yuyarasha» nirca.

ISAÍAS 27:13

Chai punzhapica jatun trompetapi tocacpimi, Asiria llactapish chingarishca puriccunapish, Egiptoman apashcacunapish shamunga. Chashna shamushpami Mandac Diostaca paipaclla urcupi tiyac Jerusalenpi mañanga.

LEVÍTICO 23:24

«Israelcunataca: “Canchis quilla callari samana punta punzhapica ñucapaclla chicanyachishca tandanacuita ruhuanguichic. Chai punzhapica trompetapi tocashpa, ñucata yuyaringuichic.

NÚMEROS 10:9

Cancunapac allpapi causacushpa, cancunata piñaccunahuan macanacungapac llucshingapacca, macanacuiman llucshina tonota tocanguichic. Chashna ruhuacpimi, ñucaca cancunata yuyarishpa, piñaccunapac maquimanta quishpichisha.

NÚMEROS 28:11

Cada quilla callaripi ima mana tucushca ishcai becita, shuc cari ovejata, shuc huatayuc canchis cari ovejata tucui rupachinguichic.

NÚMEROS 29:1

Canchisniqui quilla, callari punzhapica ñucapaclla tandanacuita ruhuashpa, ama ima trabajota ruhuanguichicchu. Chai punzhaca trompetapi sinchita tocana punzhami canga.

SAN MATEO 11:28

Aparishca, shaicushca shina causaccuna, tucuilla ñucapacman shamuichic. Ñucami cancunataca samachisha.

HECHOS 10:4

Chaimanta Cornelio manchaihuan angelta ricushpaca: —Amito, ¿imatatac ningui?— nirca. Chashna nicpimi angelca: —Huacchacunaman cushcatapish, can Diosta mañashcatapish paica chasquishcami.

1 CORINTIOS 15:52

Shuc rato ñahuita quimllai shinallapimi, tucuri trompeta tocashpa uyaricpica, shuctacyachishca cashun. Trompeta uyaricpica, huañushcacunaca mana cutin huañungapacmi causaringa. Ñucanchicca shuctacyachishcami cashun.

1 TESALONICENSES 4:16

Mandac Dios caparishcapish, angelcunata mandac ángel caparishcapish, shinallatac Diospac trompeta tocashcapish uyaringami. Chashna uyaricpica, Apunchic Jesusllatacmi jahua pachamanta shamunga. Chashna tucucpica, maijanpish Apunchic Jesusta crishpa huañuccunaracmi causaringa.

1 TESALONICENSES 4:18

Chaimanta cai rimashcacunahuan caishuc chaishuc cushichinacuichic.

JOSUÉ 4:7

cancunaca: “Mandac Dios ari nishca quillcata huacaichina Arcata apashpa, Jordán yacuta pasagricpica, yacuca chaupirishpami ishcai ladoman saquirirca. Cai rumicunaca israelcunapac huahua huahuacunapac huiñaita yuyarinami can” ninguichic» nirca.

JOSUÉ 6:4

Canchis curacunami oveja gachumanta ruhuashca canchis cornetata apashpa, Arca ñaupata ringa. Canchis punzha tucucpica, canchis cutin chai pueblota muyunguichic. Cutin curacunaca chai gachu cornetapimi tocangacuna.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.

1 SAMUEL 20:5

Chashna nicpimi Davidca Jonatantaca: —Riqui, cayaca llullu quillami. Ñuca jatun mandac-huanmi micungapac tiyarina cani. Ashtahuanpish canca quimsa punzhacaman pambapi ñuca miticugrichun saquingui.