NÚMEROS 10:1 - Dios Rimashcata Quillcashcami

¹ Mandac Dios Moisesta rimashpaca:

NÚMEROS 10:1 Iomraidhean Croise

GÉNESIS 42:13

Shina nicpimi paicunaca: —Canta servic ñucanchicca chunga ishcai huauquipurami canchic. Canaán llactapi causac shuc taitapac churicunami canchic. Ñucanchic quipa huauquica taitahuanmi huasipi saquirirca. Shucca ña chingarircami— nirca.

GÉNESIS 46:15

Paicunami Padan-aram llactapi causacushpa, Jacobo Lea huarmipi charishca huahuacunaca. Shinallatac Dina ushitapish charircami. Tucui churicunandi, ushicunandica quimsa chunga quimsami carca.

2 SAMUEL 6:15

Chashnami Mandac Diospac Arcataca Davidpish, tucui israelcunapish cushilla caparinacushpa, cornetapi tocashpa aparca.

2 REYES 11:14

Chaiman yaicushpami, jatun mandactaca ima shina shayarina cashca shinallatac, pilar ladopi shayacucta ricurca. Shinallatac mandaccunapish, trompetapi tocaccunapish jatun mandacpac ladopi shayacurca. Chai llactapi causaccunapish trompetapi tocashpa, yallita cushicucucta ricushpami, Ataliaca paipac churanata lliquirishpaca: «¡Umashcamari! ¡Umashcamari!» nishpa caparirca.

2 CRÓNICAS 23:13

Chaiman chayashpaca, jatun mandac Diospac huasiman yaicunapi shayacuc pilar ladopi shayacucta, shinallatac jatun mandacpac ladopica macanacuccunapish, trompetapi tocaccunapish shayacuctami ricurca. Chai llactapi causac tucui gentecunapish yallita cushicushpami shuccunaca bocinapi tocarcacuna. Cantaccunapish tocanacunapi tocashpa Diosta alli nishpa shayacuctami ricurca. Chaita ricushpami Ataliaca pai churarishcata lliquishpaca: «¡Ñucataca huashallami llucchishcacuna!» nishpa caparirca.

2 CRÓNICAS 5:12

Shinallatac cantac levitacuna, Asaf, Hemán, Jedutún runacunaca paicunapac churicunahuan, familiacunahuanmi altar ñaupapi inti llucshina ladoman alli lino churanacunata churarishca platillocunahuan, salteriocunahuan arpacunahuan shayacurca. Paicunahuanca patsac ishcai chunga curacunami trompetacunapi tocashpa shayacurca.

2 CRÓNICAS 7:6

Curacunaca paicuna imatac ruhuanallapitacmi carcacuna. Levitacunapish, Mandac Diosta pagui ningapac jatun mandac David ruhuashca tocanacunapimi tocarcacuna. David allichishca cantota cantashpaca: «Diosca allimari, pai llaquishcaca huiñai huiñaipacmi» nishpami cantarcacuna. Curacunaca levitacunapac chimbapurapimi trompetacunapi tocarcacuna. Israelcunaca tucuimi shayacurcacuna.

ESDRAS 3:10

Mandac Diospac huasi ruhuaccuna callari rumicunata churai callaricpimi, curacunaca paicunapac churanata churarishpa, trompetapi tocai callarirca. Shinallatac levitacunapuramanta Asafpac huahua huahua levitacunatapish, israelcunata jatun mandac David mandashca shinallatacmi platillocunapi huactashpa, Mandac Diosta alli nicurca.

SALMOS 47:5

Mandac Diosca yallita cushicushpa, trompetacunapi tocashpa cantashcahuanmi huichai rirca.

SALMOS 81:3

Llullu quilla punzhacunapipish, entero quilla punzhacunapipish cornetapi tocaichic. Chai punzhacunaca yallita cushicuna punzhacunami.

SALMOS 98:6

Trompetacunapi, bocinapi tocashpa, jatun Mandac Diospac ñaupapi caparishpa cantaichicyari.

NÚMEROS 1:52

Tucui israelcunami paicunapac soldadocunahuan quiquin bandera ladopi, quiquin carpa huasipi causanga.

NÚMEROS 10:2

«Martillohuan huactashpa cullquimanta ishcai trompetata ruhuai. Chaicunaca israelcunata tandachingapac, shinallatac carpa huasicunata shucman apana cashcata huillangapacmi canga.

NÚMEROS 29:1

Canchisniqui quilla, callari punzhapica ñucapaclla tandanacuita ruhuashpa, ama ima trabajota ruhuanguichicchu. Chai punzhaca trompetapi sinchita tocana punzhami canga.

NÚMEROS 7:2

Chai quipami israelcunata mandaccunaca Diosman ofrendata apamurca. Paicunami israelcunata yupanata ayudarca.

NÚMEROS 9:23

Israelcunaca Mandac Dios mandacpimi, maipi tiyarina cacpipish, tiyaric carca. Mandac Dios mandacpimi, ric carca. Chashnami Moisesman Mandac Dios mandashca shinallatac tucuita ruhuarca.

SAN MATEO 24:31

Ñuca angelcunata cachashpami. Paicunami trompetapi sinchita tocashpa, ñuca acllashcacunataca tucui cai pachamanta tandachinga.

JOSUÉ 6:4

Canchis curacunami oveja gachumanta ruhuashca canchis cornetata apashpa, Arca ñaupata ringa. Canchis punzha tucucpica, canchis cutin chai pueblota muyunguichic. Cutin curacunaca chai gachu cornetapimi tocangacuna.

APOCALIPSIS 8:2

Chai quipaca canchis angelcuna Diospac ñaupapi shayacuctami ricurcani. Paicunamanca canchis cornetatami curcacuna.

JUECES 7:20

Chashnami quimsapi raquirishca runacunaca puñucunata paquishpa nina mechacunata lluqui maquihuan japishpa, alli maquihuanca cornetapi tocashpaca: —¡Mandac Diosmantapish, Gedeonmantapishmi macanacugrinchic!— nishpa caparircacuna.