NÚMEROS 1:53 - Dios Rimashcata Quillcashcami

⁵³ Shina cacpipish, levitacunaca mandashcacunata huacaichishca ñucahuan tupana huasi muyundipimi causanga. Ñucahuan tupana huasita levitacuna cuidacucpimi, israelcunahuanca ñucaca mana piñarisha» nirca.

NÚMEROS 1:53 Iomraidhean Croise

1 CRÓNICAS 23:32

Dios-huan tupana huasitapish, Diospaclla chicanyachishca ucutapish paicunami cuidacurca. Chashnami paicunaca Mandac Diostaca Aaronpac huahua huahuacunata Mandac Diospacta servinata ayudaccuna carca.

2 CRÓNICAS 13:10

Ashtahuanpish ñucanchicpacca Mandac Diosmi ñucanchic Diosca. Paitaca mana saquishpami catishcanchic. Mandac Diospac ñaupapica Aaronpac huahua huahuacunami Diospacta ruhuashpa causacun. Tucui imata ruhuanacunataca levitacunami ayudacun.

2 CRÓNICAS 13:11

Paicunami tutamantapish, chishipish animalcunata Diosman cushpa tucui rupachicun. Mishquilla ashnacuc inciensotapish paicunami rupachicun. Shinallatac ima mapa illac mizapimi Diosman tandata churacun. Curi candeleropi tiyac lamparacunatapish tucui chishicunami ninata japichincuna. Ñucanchicca, ñucanchicta Mandac Dios imata mandashcatami pactachinchic. Ashtahuanpish cancunaca saquishcanguichicmi.

JEREMÍAS 23:15

Chaimantami tucuita Mandac Dios ñuca chai huillaccunahuan piñarishpaca: “Paicunamanmi jayac ajenjota carashpa, veneno yacuta ubiachigrini. Jerusalenpi huillaccunamantami tucui mana allita ruhuanacunaca tucui llactapi mirarishca” ninmi ningui» nirca.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

LEVÍTICO 10:6

Moisés Aarontapish, paipac churi Eleazartapish, Itamartapish rimashpaca: «Llaquilla tucushpa, achca cacharishca ama puricuichicchu. Llaquilla cashcamanta ama churanata lliquirichicchu. Pacta cancunapish huañunguichicman. Pacta tucui israelcunahuan Mandac Dios piñarinman. Cancunapac huauqui israelcunami Mandac Dios rupachishca runacunamanta huacangacuna.

NÚMEROS 1:50

Chaipac randica mandashcacunata huacaichishca ñucahuan tupana ucutapish, tucui chaipi tiyaccunatapish ricuchun churangui. Paicunami ñucahuan tupana huasitapish, chaipi imalla tiyaccunandi apanga. Chashnami carpa huasipi servishpa, chai muyundipi causanga.

NÚMEROS 1:54

Israelcunaca Mandac Dios Moisesta nishca shinallatacmi tucuita ruhuarca.

NÚMEROS 16:46

Chai quipami Moisesca Aarontaca: «Inciensota rupachinata apashpa, altarmanta ninata japishpa, inciensota churai. Shina churashpaca, utca israelcunapacman rishpa, paicunapac juchata pichachun mañai. Mandac Diosca yallita piñarishcami. Gentecunaca huañushpa tucurigrinmi» nirca.

NÚMEROS 16:9

¿Israelcunata Mandac Dios israelcunapuramanta cancunata acllashpa, paipac carpa huasipi servichun, paipaclla cachun chicanyachishcaca ashallachu? ¿Tandanacushca israelcunapac ñaupapi servichun cancunata churashcaca ashallachu?

NÚMEROS 17:7

Moisesca chai taunacunataca Dios-huan tupana huasipimi Mandac Diospac ñaupapi churarca.

NÚMEROS 2:17

Chai quipaca ñucahuan tupana huasitami levitacuna apashpa ringa. Ima shinami carpacunapi cashca shinallatacmi chai soldadocunaca quiquin banderahuan catinacushpa ringacuna.

NÚMEROS 3:23

Paicunaca Dios-huan tupana huasimanta huasha inti yaicunapimi carpata shayachishpa tiyarirca.

NÚMEROS 3:29

Paicunaca Dios-huan tupana huasi ura ladopimi carpacunata shayachishpa tiyaringa.

NÚMEROS 3:35

Merarimanta mirarishca huasi ucupurataca Abihailpac churi Surielmi mandacurca. Paicunaca Dios-huan tupana huasi ladopimi carpacunata shayachishpa tiyacurca.

NÚMEROS 3:38

Inti llucshina ladopi cac Dios-huan tupana yaicunapimi Moisespish, Aaronpish paipac churicunandi carpacunata shayachishpa tiyaringa. Paicunami Dios-huan tupana huasitaca israelcunapac randi cuidanga. Maijan shuccuna chaiman chayarishpaca huañungami.

NÚMEROS 31:30

Tandanacushca israelcunaman chaupishpa cushca gentecunatapish, huagracunatapish, burrocunatapish, ovejacunatapish, cada pichca chungamanta shucta japishpa, ñucahuan tupana huasita cuidac levitacunaman cunguichic» nirca.

NÚMEROS 31:47

Moisesca israelcunaman chaupishpa cushca gentecunatapish, animalcunatapish cada pichca chungamantami shucta Mandac Dios-huan tupana huasita cuidac levitacunaman Mandac Dios mandashca shina curca.

NÚMEROS 8:19

Ñucami levitacunataca israelpuramanta acllashpa, Aaronman, paipac churicunaman ñucahuan tupana huasipi israelcunapac randi servichun curcani. Paicunaca israelcuna ñucapaclla ucuman yaicushpa, llaquita apanatami jarcanga» nirca.

2 TIMOTEO 4:2

Alli huillaitaca uyasha nicpi, mana uyasha nicpimi huillacuilla. Mana piñarishpa, rimacuilla, alli yachachicuilla, cunacuilla.

1 SAMUEL 6:19

Diosca Bet-semes pueblopi causaccunataca Mandac Diospac Arcata pascashpa ricushcamantami, canchis chunga runacunata huañuchirca. Chashna achcacunata huañuchicpimi, chai pueblopi causaccunaca yallita llaquirishpa huacarca.