NAHÚM 2:9 - Dios Rimashcata Quillcashcami

⁹ ¡Cullquitapish, curitapish apaichiclla! ¡Chai tucui sumac charishcacunaca, mashnata apacucpipish, mana tucurinchu!

NAHÚM 2:9 Iomraidhean Croise

2 CRÓNICAS 36:10

Ña huata tucucucpimi, Nabucodonosorca Joaquintapish, Mandac Diospac huasipi tiyashca ashtahuan sumac charinacunatapish Babiloniaman apamuchun cacharca. Paita apashpaca, paipac huauqui Sedequiastami Judá llactata, Jerusalén pueblota jatun mandac cachunca churarca.

ISAÍAS 33:1

¡Aij, imatapish quichuc runalla! Canmantaca pi mana quichushcachu. Shuccunata pandachishpa llaquichicpipish, cantaca manarac chashnallatac llaquichishcachu. Imata quichushpa tucuchishca quipaca cantapish chashnallatacmi ruhuanga. Shuccunata mana cazushpa, can llaquichishpa tucuchishca quipaca cantapish chashnallatacmi ruhuanga.

ISAÍAS 33:4

Oruga curucuna micuc shinami, paicuna imalla charishcacunataca tandanga. Langosta curucuna shinami, chai charishcacunata quichunga.

JEREMÍAS 25:34

¡Michiccuna yallita llaquirishpa huacaichicyari! ¡Achca ovejacunata shina, sinchita mandaccuna, llaquirishpa ñuto allpapi singüichicyari! Chaica, cunan punzhami cancunapac cungata pitinapish, caita chaita cachanapish pactashca. Sumac vasota paquic shinami tucuchinga.

JEREMÍAS 46:5

¿Ima nishpatac mancharishpa, huashaiman cuticunguichic? Egipto sinchi soldadocunaca manchaihuanmi mana tigra ricushpa, miticungapac callpan. Tucui ladopimi manchai tiyan.

JEREMÍAS 51:56

Tucuchiccunaca Babilonia llactaman shamushpami tucui tucuchishpa, sinchi soldadocunatapish prezu apanga. Paicunapac arcopish polvoringami. Mandac Diosca paicuna imata ruhuashca shinallatacmi llaquichinga.

EZEQUIEL 26:12

Ima charishcacunatapish, ima catushcacunatapish quichushpami apanga. Pircacunatapish urmachishpami, sumac huasicunatapish tucuchinga. Rumicunatapish, caspicunatapish, ñuto allpatapish yacu chaupipimi shitanga.

DANIEL 11:8

Chashnami chaipi tiyac dioscunatapish, imaman riccha dioscunatapish, shinallatac cullquimanta, curimanta ruhuashca sumaccunatapish Egiptoman apanga. Chashna ruhuashpaca maijan huatacunatami jahua lado llactata mandac-huanca macanacushpa causanga.

NAHÚM 3:17

Cambac mandaccunaca langosta curucuna shinami canga. Chiri punzhacunapica langostacuna puyu shina shamushpami pirca jahuapi siricunga. Inti shamucpica ringallami. Shina ricpica, paicuna maipi cactaca pipish mana yachanchu.

APOCALIPSIS 18:12

Chai catunacunaca curi, cullqui, sumac rumicuna, perlascunami carca. Shinallatac valishca lienzo, seda, morado, puca pañocunami carca. Shinallatac tucuilaya mishquilla ashnacuc caspicuna, marfilmanta ruhuashcacuna, sumac caspimanta ruhuashcacuna, broncemanta ruhuashcacuna, fierromanta ruhuashcacuna, marmolmanta ruhuashcacunami carca.

APOCALIPSIS 18:16

Chashna saquirishpaca: «¡Aij, aij, jatun pueblolla! Canca sumaimana lino nishca morado, shinallatac puca churanata churarishca sumac huarmi shinami carcangui. Shinallatac curihuanpish, sumaimana rumicunahuanpish, perlascunahuanpish allichishcami carcangui.