NAHÚM 2:1 - Dios Rimashcata Quillcashcami

¹ ¡Nínive llactalla, tucuchicmi huichai shamun! ¡Torrecunapi chapacta churaiyari! ¡Ñantapish chapaiyari! ¡Sinchita chumbilliyari! ¡Sinchicuiyari!

NAHÚM 2:1 Iomraidhean Croise

2 CRÓNICAS 25:8

Ashtahuanpish can mana uyashpa, chai soldadocunahuan sinchi tucushpa macanacungapac ricpica, Mandac Diosllatacmi canta piñaccunapac maquipi churanga. Mandac Diosllami mishachingapacpish, mana mishachingapacpish poderta charin— nirca.

SALMOS 50:14

¡Jahua pachapi causac Ñucaman imata cushpa pagui ni! Ñucaman cusha nishcata pactachi.

SALMOS 65:2

Ñuca mañashcataca uyangui. Tucui runacunami cambacman shamungacuna.

ISAÍAS 14:6

Paicunaca yallita piñarishpami, chugrichishpa llaquichic carca. Llactacunapi causaccunatapish yallita piñashpami sinchita mandacurca. Ashallatapish mana llaquishpami, catipi llaquichic carca.

ISAÍAS 29:7

Ariel llactahuan macanacuc tucui llactacunapish, muyunacushpa shamuc soldadocunapish, baluarteta ruhuashpa chapaccunapish, sueñushpa muscuipi ricuc shinami chingaringa.

ISAÍAS 29:8

Yarcanayaihuan sueñushpa, micucushcata muscushpapish riccharishpaca yarcanayaihuan cac runa shina, yacunayaihuan sueñushpa, yacuta ubiacushcata mushcushpapish riccharishpaca yacunayaihuan cunga chaquishca runa shinami tucunga. Chashnami Sión urcupi causaccunahuan macanacungapac tucui llactamanta shamuc soldadocunaca tucunga.

ISAÍAS 52:7

¡Cushichic alli huillaita huillangapac jahua urcuta callpashpa shamuc runaca sumacmari! Chai runaca cushi causaimantapish, quishpirinamantapish, imapish allicunallatami huillan. Sionpi causaccunamanpish: «¡Cancunapac Diosmi mandagrin!» nishpami huillan.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

JEREMÍAS 50:23

¡Tucui cai pacha llactacunata llaquichic martillo shina Babilonia llactamari tucurishca! ¡Chai llactaca shuctac llactacunapac chaupipica mancharina, shitashca pambami tucushca!